घटना Archives - Jankari Kendra

मुक्तिनाथमा लेक लागेर एक तीर्थयात्रीको मृत्यु

जानकारी केन्द्र — Wed, 06 May 2026 05:14:38 +0000

पोखरा । मुक्तिनाथ मन्दिरको दर्शन गरी फर्किने क्रममा एक तीर्थयात्रीको मृत्यु भएको छ । कपिलवस्तुका ८५ वर्षीय चित्रबहादुर मल्लको कागबेनीमा लेक लागेर मृत्यु भएको हो ।
श्वासप्रश्वासमा समस्या देखिएपछि उनलाई जोमसोमस्थित अस्पताल पुर्‍याइएको थियो । तर, चिकित्सकले उनलाई मृत घोषणा गरेका मुस्ताङ प्रहरीले जनाएको छ ।
मुस्ताङमा वैशाख महिनामा मात्रै लेक लागेर मृत्यु हुनेको सङ्ख्या ३ पुगिसकेको बताइएको छ । मृतकमध्ये धेरै मुक्तिनाथ मन्दिर दर्शनका लागि गएका छन् ।

The post मुक्तिनाथमा लेक लागेर एक तीर्थयात्रीको मृत्यु appeared first on Jankari Kendra.

खप्तड छेडेदहका क्यान्सर पीडित वडाध्यक्षको निधन

जानकारी केन्द्र — Thu, 23 Apr 2026 03:49:10 +0000

काठमाडौं । बाजुराको खप्तड छेडेदह गाउँपालिका–६ का वडाध्यक्ष हर्कबहादुर विष्टको ५० वर्षको उमेरमा गएराति निधन भएको छ। गाउँपालिकाकी उपाध्यक्ष विसुदेवी नाथका अनुसार २०७९ सालको स्थानीय तहको निर्वाचनमा नेपाली कांग्रेसबाट वडाध्यक्ष पदमा निर्वाचित विष्ट टाउकाको ‘क्यान्सर’बाट पीडित थिए।
गाउँपालिकाका अध्यक्ष दिलबहादुर रावतले समाजसेवी समेत रहेका वडाध्यक्ष विष्टको निधनमा गाउँपालिकाले एकदिन शोक बिदा दिने र आधा झण्डा झुकाउने बताए । विष्टको असामयिक निधनले स्थानीय क्षेत्रमा अपूरणीय क्षति पुगेको गाउँपालिकाले उल्लेख गरेको छ।
पारिवारिका स्रोतका अनुसार दुई वर्षअघि वीर अस्पतालमा उनको टाउकाको अप्रेसन गरिएको थियो। अप्रेसनपछि डाक्टरले उनलाई बढी नबोल्न, आराम गर्न र पटक पटक फलोअप आउन भनेका थिए। तर, घरको आर्थिक अवस्था कमजोर भएका कारण उनले उपचारलाई निरन्तरता दिन सकेनन्। उनका दुई छोरा,दुई छोरी र श्रीमति छन्।

The post खप्तड छेडेदहका क्यान्सर पीडित वडाध्यक्षको निधन appeared first on Jankari Kendra.

जन्ती बोकेको जिप हुँदा दुर्घटनामा चारको मृत्यु, १४ जना घाइते

जानकारी केन्द्र — Sun, 19 Apr 2026 02:51:50 +0000

काठमाडौं । सल्यानमा जन्ती बोकेको जिप दुर्घटना हुँदा चार जनाको मृत्यु भएको छ भने १४ जना घाइते भएका छन्।जिल्लाको बनगाड कुपिण्डे नगरपालिका-८ थाराबाट कालीमाटी गाउँपालिका-१ लक्ष्मीपुरतिर जाँदै गरेको लु.प्र. ००१ ज ०२७१ नम्बरको जिप शनिबार साँझ साढे ५ बजे बनगाड कुपिण्डे-१२ धाइरेमा दुर्घटना हुँदा तीन जनाको घटनास्थलमै र १ जनाको उपचारका क्रममा मृत्यु भएको हो।
जिल्ला प्रहरी कार्यालय सल्यानका अनुसार दुर्घटनामा थाराकै वर्ष ५२ का टोपबहादुर थापा, ५२ वर्षकै ठगे घर्ती र २९ वर्षका कर्णबहादुर पुनको मृत्यु भएको हो। यस्तै दुर्घटनामा घाइते ३० वर्षीय मनबहादुर थापाको उपचारका क्रममा सुर्खेतको मेहलकुना अस्पतालमा मृत्यु भएको प्रहरीले जनाएको छ।
दुर्घटनामा गम्भीर घाइते भएका सबैलाई तत्काल उद्धार गरेर सुर्खेतको मेहलकुना अस्पताल लगिएको छ। घाइते १४ जनामध्ये ५ जनाको अवस्था गम्भीर रहनुका साथै जिप अनियन्त्रित भई सडकबाट करिब ५० मिटर तल खसेको बताइएको छ ।

The post जन्ती बोकेको जिप हुँदा दुर्घटनामा चारको मृत्यु, १४ जना घाइते appeared first on Jankari Kendra.

काठमाडौँ जिल्ला अदालत अगाडि प्रहरी र प्रदर्शनकारीबीच झडप,स्थिति तनावग्रस्त

जानकारी केन्द्र — Sat, 28 Mar 2026 10:16:56 +0000

काठमाडौँ । काठमाडौँमा रहेका काठमाडौँ जिल्ला अदालत अगाडि प्रदर्शनकारी र प्रहरी बीच आज झडप भएको छ । केपी शर्मा ओली पक्राउको विरोधमा उत्रिएका एमाले समर्थकहरुले माइतीघर मण्डलाबाट नयाँ बानेश्वर तर्फ अघि बढ्न खोजेछि खवस्था तनावपुर्ण बनेको हो ।
प्रहरीले बबमहल क्षेत्रमै प्रदर्शनकारीलाई रोक्ने प्रयास गरेपछि दुवै पक्षबीच धकेलाधकेल हुदैँ झडपमा परिणत भएको हो । झडपपछि सो क्षेत्रमा केही समय तनावको अवस्था सिर्जना भएको छ भने सुरक्षा व्यवस्था कडा बनाइएको छ ।

The post काठमाडौँ जिल्ला अदालत अगाडि प्रहरी र प्रदर्शनकारीबीच झडप,स्थिति तनावग्रस्त appeared first on Jankari Kendra.

लाटाङमा मुस्ताङ एयरको हेलिकप्टर सम्पर्कबिहिन

जानकारी केन्द्र — Fri, 27 Mar 2026 09:34:31 +0000

काठमाडौँ । रसुवाको हिमाली क्षेत्र लाटाङतर्फ उडेको मुस्ताङ एयरको एक हेलिकप्टरसँग हवाई सम्पर्क टुटेको खबर आएको छ । नेपाल नागरिक उड्डयन पा्रधिकरणका अनुसार दिँउसो करिब १ः३० बजेदेखि उक्त हेलिकप्टरसँग सम्पर्क हुन सकेको छैन।
अधिकारिहरुका अनुसार हेलिकप्टरको अवस्थाबारे स्पष्ट जानकारी आउन बाँकी छ र खोजी तथा उद्धार प्रयासको तयारी भइरहेको जनाइएको छ ।

The post लाटाङमा मुस्ताङ एयरको हेलिकप्टर सम्पर्कबिहिन appeared first on Jankari Kendra.

पाँचथर र ताप्लेजुंगमा बाढीले निर्माणाधीन पुलमा क्षति

जानकारी केन्द्र — Wed, 25 Mar 2026 09:41:34 +0000

काठमाडौँ । यागंबरक गाँउपालिका २ को मेवाखोलामा निर्माणाधीन पुल बाढीका कारण फेरि क्षतिग्रस्त भएको छ । खोलाको सतह गाशिरो बन्दा पुलका टेका र संरचनामा असर पुगेको हो । करिब ९० प्रतिशत काम सकिएको अवस्थामा पुल भत्किँदा निर्माण कार्य प्रभावित भएको छ ।
यसैबिच ताप्लेजुंगको नेरुवा खोलामा बनिरहेको पुल पनि बाढीले क्षति पुर्याएको छ । दुवै पुल खन्तिम चरणमा पुगेका बेला भत्किएपछि स्थानीय बासिन्दाको आवतजावतमा समस्या थपिएको छ ।

The post पाँचथर र ताप्लेजुंगमा बाढीले निर्माणाधीन पुलमा क्षति appeared first on Jankari Kendra.

खोटाङमा एयर डाइनेष्टिको हेलिकप्टर दुर्घटना

जानकारी केन्द्र — Wed, 18 Mar 2026 07:25:46 +0000

खोटाङ । खोटाङको केपीलासगढी गाँउपालिकमा २ क्षेत्रमा एयर डाइनेष्टिको हेलिकप्टर खुर्घटनामा परेको छ । शव बोकेर गएको उक्त हेलिकप्टर फर्किने क्रममा प्राविधिक समस्या आएपछि सामान्य दुर्घटना भएको जनाइएको छ ।
सहायक प्रमुख जिल्ला अधिकारी कोपिला राईका अनुसार घटनामा ठुलो क्षति भने भएको छैन । हेलिकप्टरमा सवार सबैजना सुरक्षित रहेका छन् ।
दुर्घटनामा एक जनाको खुट्टामा सामान्य चोट लागेको छ । घटनाबारे थप जानकारी लिन प्रहरी टोली घटनास्थलमा पुगिसकेको छ ।

The post खोटाङमा एयर डाइनेष्टिको हेलिकप्टर दुर्घटना appeared first on Jankari Kendra.

सर्लाहीमा ड्युटिमा रहेका मतदान अधिकृतको निधन

जानकारी केन्द्र — Tue, 03 Mar 2026 11:57:59 +0000

काठमाडौँ । सलार्हीमा खटिएका एक मतदान अधिकृतको मंगलबार निधन भएको छ । मृत्यु हुनेमा ४२ वर्षीय रघुनाथ महतो रहेका छन् ।
उनी पर्सा गाउँपालिका ४ स्थित जिगडवा आधारभूत विद्यालयमा स्थापना गरिएको मतदान केन्दूमा मतदान अधिकृतको जिम्मेवारीमा थए । मंगलबार बिहान ड्युटिकै क्रममा अचानक बेहोस भएपछि उनलाई तत्काल प्रादेशिक अस्पताल मलंगवा लगिएको थियो ।
चिकित्सकका अनुसार दिउँसो करिब साढे २ बजे उनको मृत्यु घोषणा गरिएको हो।
रौतहटको माधन नारायण नगरपालिका ६ स्थायी घर भएका महतो स्वास्थ्य सेवामा सिनियर अहेबका रुपमा कार्यरत थिए । घटनाबारे थप विवरण आउन बाकीँ रहेको छ ।

The post सर्लाहीमा ड्युटिमा रहेका मतदान अधिकृतको निधन appeared first on Jankari Kendra.

संयुक्त आक्रमणको प्रभाव: एरानका १३१ सहरमा क्षति,५५५ जनाको मृत्यु

जानकारी केन्द्र — Mon, 02 Mar 2026 10:42:46 +0000

काठमाडौँ । मध्यपुर्वमा जारी अमेरिका इजरायल र इरानबीचको सैन्य द्धन्द्धले व्यापक मानवीय क्षति पुर्याएको छ । रेड क्रिसेन्ट सोसाइटीका अनुसार संयुक्त हवाई आक्रमणमा इरानमा कम्तीमा ५५५ जनाको मृत्यु भएको छ भने १३१ सहर प्रभावित भएका छन् । नौ अस्पतालमा गम्भीर क्षति पुगेको इरानी सांसदहरुले बताएका छन् ।
इजरायलमा पनि १० जनाको मृत्यु र २०० भन्दा बढी घाइते भएको विवरण छ । लेबनानमा ३१ जनाले ज्यान गुमाएका छन् ।
यसैबीच इराकमा इरान समर्थित समूहका चार सदस्य मारिएका छन् भने युएईमा तीन जनाको मृत्यु भएको छ । कुवेतमा तीन अमेरिकी सैनिक मारिएका छन् भने बहराइनमा क्षेप्यास्त्र अवशेषबाट भएको आगलागीमा एक जनाको ज्याान गएको छ ।

The post संयुक्त आक्रमणको प्रभाव: एरानका १३१ सहरमा क्षति,५५५ जनाको मृत्यु appeared first on Jankari Kendra.

इरानी हवाई आक्रमण : यूएईमा एक नेपाली सहित तीन जनाको मृत्यु

जानकारी केन्द्र — Sun, 01 Mar 2026 13:52:17 +0000

काठमाडौँ । युएईमा इरानले गरेको पछिल्लो हवाई आक्रमणमा एक नेपालीसहित तीन विदशी नागरिकको ज्यान गएको छ । यूएईको रक्षा मन्त्रालयले आइतबार सार्वजनिक गरेको विवरण अनुसार नेपाल,पाकिस्तान र बंगलदेशका एक एक जना नागरिकको मृत्यु भएको बताएको छ।
यूएईका लागि नेपाली राजदुत तेजबहादुर क्षेत्रीले एक नेपाली नागरिकको मृत्यु भएको पुष्टि गदै मृतकको पहिचान खुल्न बाँकी रहेको जनाइएको छ ।

The post इरानी हवाई आक्रमण : यूएईमा एक नेपाली सहित तीन जनाको मृत्यु appeared first on Jankari Kendra.

इरानका सर्वोच्च नेता खामेनीको निधन पुष्टि,४० दिन शोक बिदा

जानकारी केन्द्र — Sun, 01 Mar 2026 03:11:22 +0000

काठमाडौँ । इरानका सर्वोच्च नेता आयतुल्लाह अली खामेनीको निधन भएको इरानको सरकारी टेलिभिजनले औपचारिक रुपमा पुष्टि गरेको छ । राज्य टेलिभिजनले विशेष प्रसारणमार्फत् उनको मृत्युको जानकारी दिदैँ देशभर ४० दिन राष्ट्रिय शोक मनाइने घोषणा गरेको छ ।
यसअघि अमेरिकाका राष्ट्रपति डोनाल्ड ट्रम्पले आफ्नै सामाजिक सञ्जाल ”ट्रथ शोसल” मार्फत खामेनी मारिएको दाबी गरेका थिए । तर प्रारम्भमा इरानी अधिकारिहरुले उक्त दाबी अस्वीकार गर्दै सर्वोच्च नेता सु्क्षित रहेको दाबी गरेका थिए ।
पछिल्लो पुष्टि सार्वजनिक भएसगैँ इरानभर सुरक्षा सतर्कता बढाइएको बताइएको छ । घटनाबारे विस्तृत विवरण आउन बाँकी रहेको सरकारी स्रोतले जनाएको छ ।

The post इरानका सर्वोच्च नेता खामेनीको निधन पुष्टि,४० दिन शोक बिदा appeared first on Jankari Kendra.

इरानमा विद्यालयमाथि आक्रमण,मृतक संख्या २४ पुग्यो

जानकारी केन्द्र — Sat, 28 Feb 2026 12:18:14 +0000

काठमाडौँ । इरान र इजरायलबीच जारी संघर्ष थप उग्र बनेको छ । दक्षिण् इरानको होमोँज्गान प्रान्त अन्तर्गत पर्ने मिनाबस्थित एक प्राथमिक बालिका विद्यालयमा इजरायलले गरेको हवाइ आक्रमणमा २४ विद्यार्थीको मृत्यु भएको अन्तराष्ट्रिय मिडियाले बताएका छन् ।
यसैैबीच बहराइनको जुफैर क्षेत्रमा रहेको अमेरिकी नौसेनिक अड्डा वरपरका वासिन्दालाई सुरक्षित स्थानमा सारिएको छ । इरानी आक्रमणको जोखिम बढेपछि सुरक्षा सतर्कता कडा पारिएको अधिकारीहरुले जनाएका छन् ।
उता रुस सहित केही देशहरुले आक्रमण रोक्न र कुटनीतिक समाधान खोज्न आग्रह गरेका छन् । बढ्दो हिंसाले क्षेत्रीय शान्तिमा गम्भीर चुनौती थपिएको छ ।

The post इरानमा विद्यालयमाथि आक्रमण,मृतक संख्या २४ पुग्यो appeared first on Jankari Kendra.

मध्यपूर्वमा पुनः चकिर्यो तनाव,इरानद्धारा अमेरिकी अड्डामा क्षेप्यास्त्र प्रहार

जानकारी केन्द्र — Sat, 28 Feb 2026 11:10:12 +0000

काठमाडौँ । मध्यपुर्व क्षेत्रमा फेरि एकपटक युद्धको जोखिम बढेको छ । अमेरिका र इजरायलले तेहरानलागायत इरानका विभिन्न सहरमा आक्रमण गरेछि इरानले त्यसको प्रतिउत्तरस्वरुप मध्यपूर्वस्थित अमेरिकी सैन्य अड्डाई लक्षित गर्दे क्षेप्यास्त्र प्रहार गरेको छ ।
इरानी आक्रमणका निशानामा कतारको अल-उदइद एयरबेस,युएइको अल जाफ्रा एयरबेस,कुवेत,बहराइन र जोर्डनस्थित अमेरिकि सैन्य संरचनाहरु परेको अन्तराष्ट्रिय माध्ययमहरुले उल्लेख गरेका छन् । आक्रमण सुरु भएसँगै ती देशहरुमा हवाई हमलाको चेतावनी दिने साइरन बजाइएको र सुरक्षा सतर्कता बढाइएको जनाइएको छ ।
यसैबीच इजरायलका तेल अविव र जेरुसेलममा पनि विस्फोटका आवाज सुनिएको खबर छ । घटनापछि सम्पूर्ण मध्यपुर्व क्षेत्रको सुरक्षा अवस्था थप संवेदनशील बनेको छ । अन्तराष्ट्रिय समदायले संयमता अपनाउन आग्रह गरेको छ ।

The post मध्यपूर्वमा पुनः चकिर्यो तनाव,इरानद्धारा अमेरिकी अड्डामा क्षेप्यास्त्र प्रहार appeared first on Jankari Kendra.

अमेरिका र इजराइलले गर्यो इरानमा हमला

जानकारी केन्द्र — Sat, 28 Feb 2026 08:31:23 +0000

काठमाडौँ । अमेरिकाका राष्ट्रपति डोनाल्ड ट्रम्पले इजराइलसँग मिलेर इरानमाथि ठुलो हवाई आक्रमण गरेको कुरा सामाजिक सञ्जाल ट्रुथ सोसलमा आठ मिनेट लामो भिडियोमार्फत पुष्टि गरेका छन् । उनले भनेका छन्, हामिले बारम्बार शान्तिपूण उपाय खोज्यौँ,तर अन्ततः इरानका क्षेप्यास्त्र र तिनको उत्पादन प्रणली पूर्ण रुपमा नष्ट गर्नु आवश्यक भयो । यस असअघि अमेरिकी र इजरायली सञ्चारमाध्यमहरुले पनि आक्रमण दुई देशको समन्वयमा भएको जनाइसकेका छन ।
इरानमा राजधानी तेहरान,इस्फाहान,कोम,कराज र केर्मानशाहमा विस्फोटन भएका छन् भने आकाशमा धुवाँको स्तम्भ देखिएको छ । दुवै देशले आफ्नो हवाइ क्षेत्र अस्थायी रुपमा बन्द गरेका छन् । इरानी सञ्चारमाध्यमहरुले विशेषगरी तेहरानका मुख्य सडक र इलाकामा क्षेप्यास्त्र प्रहार भएको बताएका छन्,जसले क्षेत्रीय तनाव थप बढाउने सम्भावना देखाएको छ ।

The post अमेरिका र इजराइलले गर्यो इरानमा हमला appeared first on Jankari Kendra.

अरुण नदीको बेलीब्रिज भाचिँयोः एक जना घाइते

जानकारी केन्द्र — Sat, 28 Feb 2026 07:26:41 +0000

काठमाडौँ । मकालु गाउँपालिका-५ को नुम र वडा नं-२ सेदुवालाई जोड्ने अरुण अरुण नदी माथिको बेलिब्रिज आज बिहान करिब ९ बजे भाचिँदा नुम सेदुवा सडकखण्ड पुर्ण रुपमा अवरुद्ध भएको छ । सिमेन्ट बोकेको लावेट ट्रक पुल तर्ने क्रममा पुल भत्किएर ट्रक नदीमा खसेको प्रहरीले जनाएको छ ।
जिल्ला प्रहरी कार्यालय संखुवासभाका अनुसार दुर्घटनामा ट्रक चालक सिन्धुपाल्चोक बाह्रबिसे नगरपालिका ९ का ४० वर्षीय अजुर्न श्रेष्ठ गम्भीर घाइते भएका छन् । उनको प्राथमिक स्वास्थ्य केन्द्र नुममा उपचारपछि थप उपचारका लागि काठमाडौँ लैजाने तयारी भइरहेको बताइएको छ ।
निमार्णाधीन कासुवा हाइड्रोपावर आयोजनाका लागि सामाग्री बोकेर गएको ट्रक पुल भाँचिएसँगै नदीमा खसेको बताइएको छ । पुल क्षतिग्रस्त भएपछि यस मार्ग हुदैँ मकालु बेसक्याम्प जानेआउने यातायात ठप्प बनेको छ । स्थानीय बासिन्दा,पर्यटक तथा दैनिक उपभोग्य सामाग्री ढुवानीमा प्रत्यक्ष असर परेको जनाइएको छ ।
पुल मर्मत तथा वैकल्पिक व्यवस्था मिलाउन सम्बिन्धित निकायबीच समन्वय भइरहेको जिल्ला प्रहरी कार्यालयले जनाएको छ । छिटो यातायात सञ्चालनमा ल्याउने प्रयास जारी रहेको बताइएको छ ।

The post अरुण नदीको बेलीब्रिज भाचिँयोः एक जना घाइते appeared first on Jankari Kendra.