काठमाडौं,

नेपाल प्रहरीले जानकारी केन्द्रलाइ बताए अनुशार करौडौं रकम ठगी गरी फरार नवलपरासी बर्दघाट नगरपालिका–६ बसाई सराई गरेका प्युठान तोर्वाङ गाविस–६ चिस्वाङका ३८ वर्षीय ईश्वरीप्रसाद पोख्रेललाई काठमाडौं महानगरपालिका कमलपोखरीबाट बिहिबार प्रहरीले पक्राउ गरेको छ ।
पोखरेलले सन्दीप दर्नाल, भिमबहादुर दर्जी, शान्ती राई समेत २३ जनालाई इजरायल पठाउने भनी १ करोड ५ लाख लिएको, सुदीपराज पन्तलाई दक्षिण कोरिया पठाउने भनी ३ लाख लिएको, रोजन लामालाई राष्ट्रिय अनुसन्धानमा जागिर लगाइदिने भनी २ लाख ५० हजार लिई सम्पर्क विहिन भई भारतको लखनउमा बस्दै आएको भन्ने पीडितबाट जानकारी आएपछि महानगरीय अपराध महाशाखाको विशेष टोलीले खोजतलास गर्दै गरेको अवस्थामा  उनलाई पक्राउ गर्न सफल भएको हो ।
निज उपर २०६७ सालमा नबिल बैंक र किष्ट बैंकलाई ठगी गरेको मुद्दामा अदालतबाट २ वर्ष कैद र २ लाख २९ हजार रुपैयाँ जरीवाना फैसला भएको, २०७२ सालमा बाँके जिल्ला अदालतबाट ठगी मुद्दा दर्ता भई पुर्पक्ष भइरहेको, निजले धेरै व्यक्तिहरुलाई करोडौ ठगी गरे पश्चात अमेरीका जानको लागि प्रकृया गरिरहेको, विभिन्न बेरोजगार युवायुवतीलाई प्रलोभनमा पारी ठगी गरेको र हाल भारत लखनउमा बस्दै मोटरपार्टस सप्लायर्स सम्बन्धी काममा संलग्न रहेको लगायतका कुराहरु प्रारम्भिक अनुसन्धानबाट खुल्न आएको छ ।