काठमाडौं, २७ मंसिर
नेपाल प्रहरीले बताए अनुशार  डाँका मुद्दाका फरार प्रतिबादी काठमाडौं महानगरपालिका–१६ बस्ने नुवाकोट, लिखु–८ का बिजय गुरुङलाई  काठमाडौं गोंगबुबाट केन्द्रीय अनुसन्धान ब्यूरोको प्रहरीले मंसिर २४ गते पक्राउ गरेको छ ।
डाँका मुद्दामा काठमाडौं जिल्ला अदालतको २०६४ जेठ ७ गतेको फैसलाले ६ वर्ष कैद र १ लाख ६६ हजार ९ सय रुपैयाँ जरीवाना ठहर भएका गुरुङलाई नारायण गुरुङको परिवर्तित नामबाट गोंगबुस्थित नयाँबसपार्कको टिकट काउन्टरमा काम गरिरहेको अवस्थामा प्रहरीले फेला पारी पक्राउ गरेको हो ।
उनलाई काठमाडौं जिल्ला अदालतमा उपस्थित गराएकोमा अदालतको आदेशले सोमबार केन्द्रीय कारागार सुन्धारा काठमाडौंमा पठाइएको छ ।