काठमाडौं, २१ पुस । चौथो संस्करण ‘मिस नर्स नेपाल २०७३’ आयोजना सुरु भएको छ । ‘सशक्त महिला सवल राष्ट्र’ भन्ने नारासहित स्वास्थ्य पेसासँग सम्बन्धित एक मात्र सामाजिक सौदर्य प्रतियोगिता मिस नर्सको आवेदन खुला गरिएको छ ।

आयोजक नेक्स्ट मोडल्स् नेपालले मंगलबार एक विज्ञप्ती जारी गर्दै ‘मिस नर्स नेपाल २०७३’का लागि आवेदन खुला भएको जानकारी गराएको हो । नर्सिङ पेसा रोजेका र रोज्ने प्रयासमा रहेका व्यक्तिको व्यक्तित्व विकास गरी सामाजिक काम प्रति उत्तरदायीव बहन गराउने उद्देश्यले प्रतियोगिता आयोजना हुँदै आएको नेक्स्ट मोडल्स नेपालका सिइओ रबि धमलाले जानकारी दिए ।

प्रतियोगिताको प्रारम्भिक छनोट देशका विभिन्न स्थान बेस्ट क्यान्सरसम्बन्धी जनचेतना र हेल्थ क्याम्पसहित आयोजना हुनेछ । प्रारम्भिक चरणमा छानिएका प्रतियोगीलाई अन्तिम स्पर्धाका लागि सञ्चार कला, विकास मोटिभेसन, लिडरसिप, डेङ सेन्स, पब्लिक स्पिकिङ, करियर काउन्सिललगायतका प्रशिक्षण दिइने कार्यक्रम संयोजक यतना पाण्डेले बताइन् । आयोजक नेक्स्ट मोडल्ससँग मिलेर नेपाल बेस्ट क्यान्सर फाउन्डेसनले संयोजन गर्न लागेको प्रतियोगितामा देशभरका ४ दर्जन नर्सिङ कलेज तथा १ सयभन्दा बढी अस्पतालमा कार्यरत नर्सहरूको उत्साहजनक सहभागिता रहने आयोजकको दाबी छ । प्रतियोगिताको विजेताले नगद १ लाख रुपैयाँको साथमा नेप्कम्स स्टडिजबाट फर्दर अस्ट्रेलिया अध्ययनका लागि छात्रवृत्तिका साथै नेपाल बेस्ट क्यान्सर फाउन्डेसनको गुडबिल एम्बेसडर बन्ने अवसर प्राप्त गर्नेछन् ।

स्रोत- See more at: http://www.souryadaily.com/2017/01/134459.html#sthash.xTEnORQZ.dpuf