काभ्रे,

 जिल्ला वन कार्यालयअन्तर्गतको सेक्टर वन कार्यालय गैरकानुनीरुपमा सञ्चालन भइरहेको खुलासा भएको छ ।

ब्यवसायी तथा सर्वसाधारणहरुको सहजताका लागि भन्दै पाँचखालमा राखिएको सेक्टर वन कार्यालय बनेपाको बुडोलबाट गैरकानुनीरुपमा सञ्चालन भइरहेको हो । पछिल्लो समय रेञ्जपोष्टहरु इलाका बन कार्यालयमा स्तरोन्नती भएपछि रेञ्जपोष्टले गर्ने सबै काम इलाका वन कार्यालयबाट हुँदै आएको छ ।

यस्तै महादेवस्थानमा रहेको इलाका वन कार्यालयसमेत पाँचखालबाट संचालन हुँदै आएको छ । महादेवस्थान इलाकाका सबै कागजात पाँचखालमा रहेको कार्यालयमा राखिएको छ भने पाँचखालको सेक्टर कार्यालय भने बनेपाको बुडोलमा राखिएको हो । सेक्टर बन कार्यालयका प्रमुख रामकुमार भण्डारीले पाँचखाल जान नमान्दै बनेपाबाट कार्यालय सञ्चालन गरिरहेका छन् ।

जिल्ला बन कार्यालय काभ्रेपलाञ्चोकले समेत गैरकानुनी ढंगबाट कार्यालय संचालन गर्ने मातहतका कार्यालय र कर्मचारीहरुलाई कारवाही गर्न सकेको छैन।