डोटीको पूर्विचौकि गाउँपालिकाको खिरसैन फुलौटमा पोखरीबाट सिलगढी तर्फ आईरहेको ना १ ज ३०६३ नम्बरको शैलेस्वरी यातायातको जिप दुर्घटना हुँदा दुई महिला गम्भिर घाईते भएका छन् ।
घाईते हुनेहरुमा पोखरी ७ कि २२ वर्षिय मौरी कुमारी विक र कडालगाउँ निबासी १५ वर्षिया जानकी ऐर रहेको स्थानीय डम्बर खड्काले जानकारी दिएका छन् । मौरी कुमारी विकको टाउँकोमा चोट लागेको र जानकी ऐरको ढाडमा गम्भीर चोट लागेको जिल्ला अस्पताल डोटीका डाक्टर ग्रीष अबस्थीले बताएका छन् ।
उनीहरुलाई थपउपचारका लागि नेपालगंञ्ज मेडिकल कलेज रेफर गरेको डाक्टर अवस्थीले बताएका छन् । गाडीको ब्रेकफेल भएपछि अनियन्त्रित भई दुर्घटनामा परेको सानागाउ प्रहरीचौकीका हवल्दार बिरेन्द्र बहादुर सिंहले बताएका छन् । जिप सडक वाट ३००फिट तल खसेको थियो!
