विष्णु जोशी,बैतडी/बैशाख ७ ।

चितुवाको छालासहित बैतडीको पाटनमा एक जना पक्राउ परेका छन् । जिल्लाको शिवनाथ गाउँपालिका ६ बस्ने ३३ बर्षीय महेशसिंह सुतारलाई चितुवाको छालासहित प्रहरीले पक्राउ गरेको हो । क्षेत्रीय अनुसन्धान टोली दिपायल र इलाका प्रहरी कार्यालय पाटनको संयुक्त टोलीले सुतारलाई चितुवाको छालासहित पक्राउ गरेको इलाका प्रहरी कार्यालय पाटन बैतडीका प्रमुख प्रहरी निरीक्षक हरिओम खड्काले जानकारी दिनुभयो । उहाँले भन्नुभयो, ‘बिशेष सूचनाका आधारमा त्यो मान्छेसंग चितुवाको छाला छ भनेर हामीलाई ३ महिना पहिलेदेखि थाहा थियो ।

त्यसपछि क्षेत्रीय अनुसन्धानको टिम र हामीले बारम्बार त्यसको खोजी गर्दा आज फेला पार्यौं ।’ सुतारसंग रहेको चितुवाको छाला पाँच फिट ९ लम्बाईको र दुई फिट चौडाई रहेको प्रहरी निरीक्षक खड्काले बताउनुभयो । मरेको भैँसीको सिनोमा औषधि राखेर करिब एक बर्ष पहिले सुतारले चितुवा मारेको समेत उहाँले बताउनुभयो । पक्राउ परेका सुतारलाई जिल्ला वन कार्यालयको जिम्मा लगाइएको छ ।

चितुवाको छालासहित पक्राउ परेका सुतारलाई वन ऐन २०४९ र राष्ट्रिय निकुञ्ज तथा वन्यजन्तु संरक्षण ऐन २०२९ (परिमार्जित २०७३) अनुसार २० हजार भन्दामाथि जरिवाना र ६ महिना कैद हुने जिल्ला वन कार्यालय बैतडीका सहायक वन अधिकृत रामप्रसाद चौधरीले जानकारी दिनुभयो वन्यजन्तुको छाला ओसारपसार तथा विक्रिवितरण गर्नेलाई कारवाही प्रचलित कानुन अनुसार कारवाही हुने सहायक वन अधिकृत