मनोज पराजुली

आठौँ लिगलिगे दौडको उपाधि नेपाल आर्मीका खगेन्द बहादुर भाटले जितेका छन् । चेपे र मस्र्याङदी दोभानबाट लिगलिगकोट सम्मको १३.८ किलोमिटरको दुरी १ घण्टा २ मिनेटमा पार गर्दै डोटीका रानाभाटले उपाधि हात पारेका हुन् । निर्धारित दूरी एक घण्टा ३ मिनेट २१ सेकेण्डमा पार गर्दै नेपाली सेनाका रामजी बस्नेत दोस्रो भएका छन् । एक घण्टा ५ मिनेट २८ सेकेण्डमा निर्धारित दूरी पार गर्दै नेपाली सेनाकै कृष्ण बस्नेत तेस्रो भएका हुन् ।

प्रतियोगीताको उपाधि बिजेता रानाभाटलाई श्रीपेच र पगरीको साथमा नगद ५० हजार पुरस्कार प्रदान गरिएको छ । प्रतियोगितामा दोस्रो र तेस्रो हुनेले क्रमश नगद ३० हजार र २५ हजार पुरस्कार पाएका छन् । यस्तै चौँथो भएका नरेश बुढाले नगद १० हजार १ सय ५,पाचौँ भएका सुमन पुलिङ्गले नगद ५ हजार ५,छैँटौँ भएका अमिर सिंहले नगद ४ हजार ४,सातौँ भएका सन्दिप बि.कले नगद ३ हजार ३ र आठौँ स्थानमा रहेका धर्म महर्जनले २ हजार २ नगद सहित प्रमाणपत्र हात पारे । प्रतियोगीतामा एक सय ३ जनाको सहभागिता रहेको थियो । महिला खुल्लातर्फ बडडाँडादेखि लिगलिगकोट सम्मको पाँच किलोमिटर दुरीको दौड प्रतियोगितामा धादिङकी सन्तोषी श्रेष्ठ पहिलो भएकी छन् । उनले ३९ मिनेट ४८ सेकेण्डमा निर्धारित दुरी पार गरेकी थिइन् । त्यस्तै ४२ मिनेट ५२ सेकेण्डमा निर्धारित दूरी पार गर्दै सानुमाया कार्की दोस्रो र ४८ मिनेट २८ सेकेण्डमा निर्धा्रित दूरी पार गर्दै मिरा श्रेष्ठ तेस्रो भएकी छिन् । उनीहरुले क्रमश १५ हजार, दश हजार र पाँच हजार नगद पुरस्कार पाएका छन् । स्थानीय तर्फको दौड प्रतियोगितामा अमिर सिंह पहिलो भएका छन् । उनले निर्धारित दूरी एक घण्टा १० मिनेट ४० सेकेण्डमा पूरा गरेका थिए ।

ोनिर्धारित दूरी एक घण्टा १४ मिनेट ३७ सेकेण्डमा पार गर्दै सूर्यबहादुर बिक दोस्रो र एक घण्टा १५ मिनेट ५ सेकेण्डमा निर्धारित दूरी पार गर्दै राजन नेपाली तेस्रो भएका हुन् । पहिलो, दोस्रो र तेस्रो हुनेले क्रमश १५ हजार, दश हजार र पाँच हजार नगद पुरस्कार पाएका छन् । कार्यक्रमका प्रमुख अतिथि खेलकुद मन्त्री राजन केशीले परम्परा जोगाउनका लागि गरिएको दौड प्रतियोगिताले लिगलिगकोटको विकासमा टेवा पुग्ने बताए । पूरानो परम्परालाई जोगाउन र लिगलिगकोटको विकासका लागि दौडको आयोजना गरिएको लिगलिगकोट विकास अभियानका अध्यक्ष पूर्ण बहादुर राना मगरले बताए । लिगलिगकोटको ऐतिहासिक धार्मिक पुरातत्व तथा संस्कृतिको संरक्षण गर्नेको लागि विगत २०६७ सालदेखि लिगलिगे दौडको आयोजना गदै आएको छ ।

लिगलिगकोट विकास अभियानले आठौँ लिगलिगे दौड प्रतियोगिताको आवश्यक सम्पूर्ण सम्र्पूण तयारी पूरा भएको जनाएको छ । लिगलिग कोट बिकास अभियानले आयोजना गदै आएको लिगलिगे दौड प्रतियोगिता असोज ९ गते हुँदैछ । लिगलिगकोटको ऐतिहासिक धार्मिक पुरातत्व तथा संस्कृतिको संरक्षण गर्नेको लागि २०६७ सालदेखि लिगलिगे दौडको आयोजना गरिदै आएको हो ।

दौडमा सहभागी हुनका लागि एक सय भन्दा बढी धावकहरुले नाम दर्ता गराएका लिगलिगकोट विकास अभियानका अध्यक्ष पुर्णबहादुर रानाले बताए । दौड प्रतियोगितामा धावक बैकुण्ठ मानन्धर देखि स्थानीयहरुको समेत सहभागिता रहनेछ ।लिगलिगे दौड चेपे र मस्र्याङ्दीको दोभानबाट सुरु भई ढिकीडाँडा, ठाँटीपोखरी, पानी ट्याङ्की, छापथोक, बडडाँडा, साउनेपानी, बोहोरागाउँ, सभा चौतारो, मैबल, दर्बेपानी, बिजुलीडाँडा, खोली चौतारोदेखि लिगलिगकोट गडी सम्मको १३।८ किलोमिटर दुरी पार गर्नुपर्नेछ । दौडमा प्रथम हुने खेलाडीलाई नदग ५० हजार श्रीपेच,पगरी,ट्रफी,मेडल र प्रमाणपत्र प्राप्त गर्नेछन् । द्धितीय हुनेले ३० हजार ३ सय ५ ट्रफी,मेडल प्रमाणपत्र र तृतीयलाई नगद २० हजार २ सय ५ सहित ट्रफी,मेडल र प्रमाणपत्र प्राप्त गर्नेछन् । त्यस्तै चौँथो हुनेले नगद १० हजार १ सय ५,पाचौँलाई ५ हजार ५,छैँटौँलाई ४ हजार ४,सातौँलाई ३ हजार ३ र आठौँलाई २ हजार २ नगद प्रदान गरिने गरिनेछ ।

महिलाहरुको खुल्ला र लिगलिग बासीका लागि पाँच किलोमिटर दौड प्रतियोगितामा प्रथम,द्धितिय र तृतीय हुनेलाई क्रमश १५ हजार ५,१० हजार ५ र ५ हजार ५ नगद सहित ट्रफी,मेडल प्राप्त गर्नेछन् । लिगलिग दौड प्रतियोगिताका लागि १४ लाख ४४ हजार ८ सय रुपैया खर्च हुने अभियानका अध्यक्ष रानाले बताए ।