कोरिबटि, जेठ २० / हाँस्य कलाकार किशोर भण्डारी (डिठ्ठा साब)को निर्देशनमा बनेको चलचित्र ‘चङ्गा’को वियोगान्त गीत सार्वजनिक गरिएको छ । ‘मेरी आमा…’ बोलको गीतमा आमा र एक बन्धक बालकको प्रेम दर्शाइएको छ ।

कमल खत्रीको स्वर, संगीत र शब्दले सु-सजित गीत निकै मार्मिक छ । बन्धकमा रहेको बालकले आफ्नी आमाको मायाँको याद गर्दै गर्दाको अवस्थाको चलचित्रको कुनै मोडको यो गीतमा आमाको मायाँको महत्व देखाइएको छ ।

जेस्ठ २५ गतेबाट प्रदर्शन हुने यस चलचित्रमा वुद्दि तामाङ, अंकित खड्का, लक्ष्मी वर्देवा, कमलमणी नेपाल, राजन खतिवडा, जीवन भट्टराई लगायतका कलाकारहरुको अभिनय रहेको छ । कमेडी जनाराको चलचित्रको कथा निर्देशक भण्डारी आफैले लेखेका हुन् भने चलचित्रमा राजनराज सिवाकोटी र कमल खत्रीको संगीत, नवराज उप्रेतीको र रबिन आचार्यको छायांकन, कविराज गहतराजको कोरियोग्राफी रहेको छ ।

हेर्नुहोस् गीत !!