भारतीय टिभी च्यानलहरुले नेपालको महाभूकम्पबारे अतिरञ्जित समाचार प्रवाह गरेको विरोधमा सुरु भएको ट्वीटर हयासटयाग ‘गो होम इन्डियन मिडिया’ एकै छिनमा भाइरल बनेको छ ।

भूकम्पपीडितको उद्धारमा भारतीय मिडियाले व्यवधान खडा गरेको तथा घटनालाई बढाइचढाइ गर्ने नाममा मानवीय संवेदनालाई ख्याल नगरेको भन्दै आलोचना भएको हो ।
उद्धारका लागि भारतबाट आएको सेनाको हेलिकोप्टरमा पीडितले ‘भारतीय टिभी च्यानलकै कारण सिट नपाएको’ विषयमा समाचार प्रकाशित भएको थियो । आइतबार बिहान सुरु गरेको यो अभियानलाई भारतीय ट्वीटरका प्रयोगकर्ताहरुले समेत समर्थन जनाएका छन् ।
भारतीय मिडियाको आलोचना गर्नेमा नेपालीभन्दा भारतीय नै बढी भेटिएको आइतबारको ट्वीटर ट्रेन्डिङले देखाएको छ ।
‘उज्जवल ९९९’ नामक नेपाली ट्वीटर हय्यान्डलबाट ‘भारतीय सञ्चारकर्मी स्वदेश फर्काऊ’ भन्ने ट्वीट भएको थियो । जुन आइतबार हपरान्हसम्म ट्वीटरकै एक नम्बर ट्रेन्डिङमा पुग्यो ।

इमरान नामक भारतीय प्रयोगकर्ताले नै लेखेका छन्, ‘प्रिय नेपालीहरु । तिमीहरुले त एक सातायतामात्रै भारतीय मिडियालाई खपिरहेका छौ । हामी त पहिल्यैदेखि हरेक दिन झेल्न बानी परेका छौं ।’
आकाश टन्डन नामक अर्का भारतीय प्रयोगकर्ताले भारतीय टिभीको चल्तीको प्रश्न नक्कल गर्दै लेखेका छन्, ‘विश्व आज तिमीलाई गिज्याइहेको छ, भारतीय मिडिया । मेरो प्रश्न छ, ‘आपको कैसा लगरहा है रु’ ट्वीटर ट्रेन्डिङमा नेपाल विरलै पर्ने गरेको छ ।

भारतीय प्रधानमन्त्री नरेन्द्र मोदीको नेपाल भ्रमण र भर्खरैको भूकम्पका बेला नेपाल ट्रेन्डिङमा परेको थियो ।

कान्तिपुर दैनिकबाट