असार ,आबुधाबी।
युएईमा रहेको नेपाली दुतावासले साउन १ बाट लागू हुनेगरि दुतावासको सेवा शुल्क सार्वजनिक गरेको छ ।
प्रमाणीकरण दस्तुर संशोधन सम्बन्धी नेपाल सरकार, मन्त्रीपरिषद्को मिति २०७५असार १५ को निर्णयको अनुसूची- २ समूह (ख) बमोजिम आर्थिक वर्ष २०७५।०७६ को श्रावण १ गतेदेखि लागू हुने गरी दूतावासबाट प्रमाणीकरण गरिने कागजातहरुमा लाग्ने दस्तुर सार्वजनिक गरेको हो ।
सो अनुरुप साउन १ बाट मागपत्र प्रमाणीकरणका लागि १ देखि २५ कामदारको लागि ९ सय २०,२६ देखि १ सय कामदार सम्म ११ सय र सय भन्दा बढी कामदार भएमा १२ सय ८० दिरहाम तिर्नुपर्ने दुतावासले जनाएको छ । साथै मागपत्र सम्बन्धित कागजात सच्याउनको लागी पुन: पेश गर्नुपरेमा प्रति कागजात ३ सय ७० दिरहाम लाग्नेछ ।
