प्रधानमन्त्री केपी शर्मा ओलीले आज पनि केही मन्त्रीहरुलाई बोलाएर उनीहरुको कामको बारेमा समिक्षा गरेका छन् । आज सिंहदरबारस्थित् आफ्नो कार्यालयमा बोलाएर प्रधानमन्त्री ओलीले समिक्षा गरेका हुन् ।

उपप्रधान एवम् रक्षामन्त्री ईश्वर पोखरेल, कानुनमन्त्री भानुभक्त ढकाल, उद्योगमन्त्री मात्रिका यादव, अर्थमन्त्री डा. युवराज खतिवडा र उपप्रधान एवम् स्वास्थ्यमन्त्री उपेन्द्र यादवलाई बोलाएर प्रधानमन्त्रीले रफ्तारमा काम गर्न निर्देशन दिएका हुन् ।

मन्त्रीहरुलाई ओलीले अब विदेश भ्रमण धेरै नगर्नपनि निर्देनशन दिएका छन् । उनले सम्बन्धित मन्त्रालयका सचिवहरुलाई पनि मन्त्रालयका फाईलहरु किन अघि सर्दैनन् भनेर प्रश्न सोधेका थिए । अब कुरामात्रै होईन काम गरेर देखाउनुहोस् भनेर ओलीले मन्त्री तथा सचिवहरुलाई निर्देशन दिएको प्रधानमन्त्रीनिकट स्रोतले जानकारी दियो ।