रेष्टुराँमा ग्राहकसँग बिलसँगै उठाइँदै आएको सेवा शुल्क आजदेखि हटेको छ । रेष्टुरेण्ट एण्ड बार एशोसियसन नेपाल (रेवान) ले ग्राहकबाट उठाउने १० प्रतिशत सेवा शुल्क आजदेखि हटाउने निर्णय गरेको हो 

रेवानसँग काठमाडौंमा दुई सय, पोखरामा डेढ सय र सौराहामा ७० वटा रेष्टुरेन्ट आवद्ध छन्। यद्यपि, रेवानको यस निर्णयप्रति मजदूर संगठनहरुले भने असहमति जनाएका छन् ।

ग्राहकसँग गउठाएको १० प्रतिशत सेवा शुल्कबाट ६८ प्रतिशत मजदुर र बाँकी ३२ प्रतिशत सम्वन्धित प्रतिष्ठानले मर्मत सम्भारका लागि पाउने व्यवस्था थियो। तर, छ महिनाअघि सञ्चालक र मजदूरहरुबीच ७२ प्रतिशत रकम मजदूर,२३ प्रतिशत प्रतिष्ठानलाई, २ प्रतिशत रकम होटल संघलाई र ३ प्रतिशत रकम तीन वटा केन्द्रिय ट्रेड युनियन संघलाई दिने सहमति भएको थियो।