चैत २७, काठमाडौं । काठमाडौंबाट चोरी कार्यमा संलग्न रहेका ६ जनालाई प्रहरीले पक्राउ गरेको छ । गोंगबु बस्ने रामेछाप देउराली नगरपालिकाका २२ वर्षीय दिपक थपामगरसहित ६ जनालाई मंगलबार राति पक्राउ गरिएको प्रहरीले जनाएको छ ।
काठमाडौं महानगरपालिका-७ बन्जला पेट्रोल पम्प अगाडि पार्किङ गरी राखेको ना.६ ख १४८७ नम्बरको बसका २ थान टायर चोरी गरी फरार भएका उनीहरुलाई प्रहरीले चन्द्रागिरी नगरपालिका-१० तीनथानामा फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
