आफ्नो समयका स्थापित हिरोहर अहिले धमाधम फिल्म निर्माण र निर्देशनमा लागेका छन् । निर्माता बनेका अभिनेताको संख्या धेरै छ । आफूलाई निर्देशक बनाएका हिरोको संख्या पनि कम छैन ।

Nikhil-Upreti
‘लेटेस्ट’ कुरा गर्ने हो भने एक्सन स्टार निखिल उप्रेती आफ्नो निर्देशनमा निर्माण गरेको भैरव फिल्मको रिलिजको चाँजोपाँजोमा व्यस्त छन् । ११ भदौमा रिलिज हुने निखिल निर्देशित भैरवको प्रोमो र गीतले अहिले बजार तताइरहेको छ । भैरवले निखिललाई निर्देशकका रुपमा समेत स्थापित गराउने छनक देखिएको छ ।

अभिनेताबाट निर्माता हुँदै पछिल्लो समय आफूलाई निर्देशकका रुपमा समेत उभ्याइसकेका छन्– निखिल उप्रेतीले । उनले निर्देशन गरेको भैरवमा उनी आफैं शीर्ष भूमिकामा छन् । अब निरन्तर फिल्म निर्देशन गर्ने योजनामा रहेका उनमा आफ्नो डेब्यु फिल्म भैरवको रिजल्टको पर्खाइमा छन् ।

अभिनेता निखिल उप्रेती अहिले आफ्नो पुरानो क्रेजलाई फर्काउनलाई चलचित्रमा निखिल एक्सन अवतारमा देखिएका छन् ।

‘रिजल्ट पक्कै राम्रो आउँछ,’ निखिल भन्छन्, ‘म पूर्ण विश्वस्त छु ।’ भेरव रिलिजलगत्तै उनले अर्को फिल्म बजरंगीको निर्देशन गर्नेछन् । त्यसका लागि पनि तयारी भइसकेको उनी बताउँछन्