ललितपुर । टिभिएको बिक्रेता युनिराइड अटो आयोजनामा ‘राइड फर अ कज टिभिएस ‘ सुरु भएको छ । युनिराइड शोरुम महालक्ष्मीस्थान ललितपुरबाट शुक्रबार सुरु भएको राइड कुलेखानीसम्म पुग्नेछ ।
राइडको शुक्रबार एक कार्यक्रमबीच प्रमुख अतिथि टिभिएको लागि नेपालको आधिकारिक बिक्रेता जगदम्बा मोट्सका निर्देशन दिपक अग्रवालले उद्घाटन गरे। उक्त अवसरमा बोल्दै अग्रवालले टिभिएसका ग्राहकबीच मैत्रीपूर्ण सम्बन्ध स्थापना गर्नका लागि राइड आयोजना गरेकोमा प्रसंशा गरे।
टिभिएस ग्राहकहरुबिच फेलोसिप बढाउनुका साथै आन्तरिक पर्यटन प्रवद्र्नमा समेत टेवा पुर्याउने लक्ष्यले राइड आयोजना गरिएको युनिराइड्का प्रवन्ध निर्देशक निर्मल सिग्देलले बताए । राइडलाई सफल पार्ने द बर्गर हाउस एण्ड क्रनची फाइड चिकेनका संचालक वसन्त लामाले समेत सहकार्य गरेका छन । राइड मा टिभिएस अपाचेका ३० जना राइडरहरु सहभागी छन ।
टिभिएस राइडमा सहभागी हुन पाउँदा खुसी लागेको राइडर अभिषेक अधिकारीले बताए ।राइडकाे शुभारम्भ कार्यक्रममा जगदम्बा मोटर्सका जनरल म्यानेजर दिपक रौनियार , डिलर इन्चार्ज सुजित खड्का लगायतको उपस्थिती थियोे ।
यसैबिच , राइडकै क्रममा युनिराइड अटोले वृद्धाश्रमलाई खाद्यान्न सहयोग गरेको छ । सामाजिक उत्तरदायित्व बहन गर्दै संस्थाले सहयोग गरेको सिग्देलले बताए ।
