७ असोज, काठमाडौँ : युभेन्टसले इटालियन सिरी ए फुटबलमा यो सिजनको पहिलो जित दर्ता गरेको छ । लिग अन्तर्गत बुधबार राति भएको खेलमा युभेन्टसले स्पेजियालाई ३–२ ले पराजित गरेको हो । लिगको पाँचौँ खेलमा आएर पहिलो जित निकाल्ने क्रममा युभेन्टसका लागि २८ औँ मिनेटमा माइस किन, ६६ औँ मिनेटमा फेदेरिको किएसा र ७२ माथेज डी लिग्टले गोल गरेका हुन् ।

स्पेजियाका लागि ३३ औँ मिनेटमा इम्यमानुएल गिएसी र ४९ औँ मिनेटमा ज्यानिस एन्टिस्टले गोल गरेका हुन् । जितपछि युभेन्टसको पाँच खेलबाट पाँच अंक भएको छ । बुधबार राति भएका अरु खेलमा एसी मिलानले वेनेजिया तथा एम्पोलीले काग्लिएरीलाई समान २–० ले पराजित गर्दा हेलास भेरोना र सालेर्नितानाले २–२ को बराबरी खेलेका छन् ।