एजेन्सी । एक महिलाले आफ्नो छ वर्षीया छोरीको हत्या गरेको खुलासा भएको छ । भारतको नोएडा प्रहरीका अनुसार अनुराधा नाम गरेकी महिलाले आफ्नो बच्चाको हत्या गरेर जंगलमा लगेर गाडेकी थिइन् ।
आफ्नो श्रीमानलाई फसाउनका लागि आफ्नै छोरीको हत्या गरेको प्रहरीसँगको बयानमा ती महिलाले भनेकी छन् । गत १२ नोभेम्बरमा जंगलबा बच्चाको शव फेला परेको थियो । अनुसन्धान गर्दै जाँदा ती बच्चाको नाम र उनका आमा बुबा प्रहरीले फेला पारेका थिए ।
प्रहरीका अनुसार अनुराधा र रामकुमारबीच विवाह भएको थियो । उनीहरुको चार जना छोरी थिइन् । रामकुमारले अर्को विवाह गरेपछि दुवै जना कहाँ दुई दुई जना छोरीहरु बस्ने गर्थिन् । रामकुमारको फ्लाट कब्जा गर्न अनुराधाले आफ्नै छोरीको हत्या गरेको प्रहरीले जनाएको छ ।
