जानकारी केन्द्र । युवा तथा खेलकुद मन्त्री महेश्वर गहतराज पाँच दिने भ्रमणका लागि रुस प्रस्थान गरेका छन् ।

रसिया सरकारका खेलकुद मन्त्री ओलेग भी म्याटिसिनले औपचारिक निमन्त्रणा गरेपछि मन्त्री गहतराजले रुस जाने निर्णय गरेका हुन् । उनीले सोमबार विहान मन्त्रालयका सचिव दामोदर रेग्मी सहित रुस प्रस्थान गरे ।

मन्त्री गहतराजले रुस प्रस्थान गर्नुअघि खेलकुद कूटनीतिमार्फत् नेपाल र रुसबीचको ६६ वर्ष पुरानो सम्वन्ध सुधारमा भूमिका खेल्ने बताए । त्यस्तै, मन्त्री गहतराजले रुस सरकारका खेलकुद मन्त्री म्याटिसिनसँग औपचारिक भेटवार्ता गर्ने जनाइएको छ ।

भ्रमणको क्रममा नेपालको खेलकुद क्षेत्रको विकासमा पारस्परिक सहयोगका विषयमासमेत छलफल गर्ने उनको भनाई छ । उनले खेलकुद विश्वविद्यालय र अन्तर्राष्ट्रिय रंगशालाको भ्रमण र अनुभव आदानप्रदान पनि गर्ने बताए ।