काठमाडौं । आज बिहिबार नेप्से परिसूचक १२.५७ अंकले बढेर १,९७८.९४ को विन्दुमा कायम हुँदा लगानीकर्ता उत्साहित देखिएका छन् ।

आज १३७ कम्पनीको शेयरमुल्य बढेको छ भने ४५ वटा कम्पनीको घटेको छ । आज लाइफ इन्स्योरेन्स उपसूचक र इन्भेष्टमेन्ट बाहेक सबै उपसूचक बढेका छन् ।

आँधिखोला लघुवित्त वित्तीय संस्थाका लगानीकर्ताले सबैभन्दा धेरै कमाएका छन् । कम्पनीका लगानीकर्ताले १० प्रतिशतका दरले कमाएका हुन् । रिभर फल्स पावर कम्पनीका लगानीकर्ताले ९.९९ प्रतिशतका दरले कमाएका छन् । सामुदायिक लघुवित्तका लगानीकर्ताले ९.०६ प्रतिशतका दरले कमाएका छन् । कालिका लघुवित्तका लगानीकर्ताले ७ प्रतिशतका दरले कमाएका छन् ।

आज सबैभनदा धेरै लुम्बिनी जनरल इन्स्योरेन्स कम्पनीका लगानीकर्ताले गुमाएका छन् । कम्पनीका लगानीकर्ताले ३ दशमलव ८० प्रतिशतका दरले गुमाएका छन् ।