काठमाडौं । पोखरा महानगरपालिका खेलकुद विकास समितिले शनिबार पोखरामा राष्ट्रिय साक्लिङ प्रतियोगिता आयोजना गरेको छ ।
उक्त प्रतियोगितामा साइक्लिङ सङ्घ कास्की र साइकल सिटी पोखराको पनि सहआयोजना रहेको छ ।
समितिका सदस्यसचिव सुवास खड्काले ४५ किलोमिटर दूरीको यस प्रतियोगिताको तयारी अन्तिम चरणमा पुगेको बताए ।
यसैगरी, प्रतियोगिता महिला र पुरुष विधामा हुनेछ । पोखरा-१६ स्थित कालीखोलाको पुलबाट सुरु हुने प्रतियोगिता र्यालेचौर, मौजा, आँटीघर, अर्मलाकोट, ढिकीडाँडालगायत स्थान हुँदै सोही स्थानमा नै आएर सम्पन्न हुने जनाइएको छ ।
प्रतियोगितामा प्रथम, द्वितीय र तृतीय हुनेले क्रमशः रु. ३० हजार, रु. २० हजार र रु. १० हजार पुरस्कार, मेडल र प्रमाणपत्र प्राप्त गर्ने भनिएको छ ।
