काठमाडौं । पेट्रोलियम पदार्थको मूल्य बढेपछि हवाई भाडामा पनि वृद्घि भएको छ ।

बुधबारदेखि लागू हुने गरी नेपाल वायु सेवा सञ्चालक संघले आन्तरिक हवाई सेवाको भाडा बढाएको हो । संघले सोमबार एक सूचना जारी गर्दै आन्तरिक हवाई उडानको फ्यूल सर्चाज न्यूनतम १७० रुपैयाँदेखि अधिकतम ८४० रुपैयाँसम्मले बढेको जनाएको छ ।

यसैगरी, नयाँ मूल्य अनुसार सबैभन्दा बढी काठमाडौँ–धनगढी रुटमा ८४० रुपैयाँले भाडा बढ्नेछ । उक्त रुटका लागि अब हवाई सेवा प्रदायकले एक व्यक्तिबाट अधिकतम १६ हजार ८०५ रुपैयाँसम्म लिने छन् । सबैभन्दा कम काठमाडौँ–सिमरा ७० रुपैयाँले बढेको छ । जहाँ अधिकतम ४ हजार १९५ रुपैयाँ भाँडा तोकिएको छ ।

त्यस्तै, आइतबार नेपाल आयाल निगमले पेट्रोलियम पदार्थ पेट्रोल, डिजेल र मट्टितेलसँगै हवाई इन्धनको मूल्य समेत प्रतिलिटर १९ रुपैयाँले बढाएको थियो । यसपछि हवाई भाडा पनि बढेको हो ।