एजेन्सी । युक्रेनको क्रेमेन्चुक सहरको एउटा सपिङ मलमा रुसी मिसाइलको आक्रमण भएको छ । जहाँ आक्रमणमा परी १६ जनाको मृत्यु भएको छ ।

त्यस्तै, ५९ जना घाइते भएका युक्रेनको आपतकालीन सेवाका प्रमुखले सर्गी क्रुकले बताए र्। तीमध्ये २५ जना अस्पतालमा भर्ना छन्’, उनले भने । सपिङ सेन्टरमा हमलापछि भग्नावशेष हटाउने र आगो निभाउने कार्य भइरहेको जनाइएको छ ।

यसैगरी, उक्त सपिङ मलमा आक्रमणमा हजारौँ सर्वसाधारण रहेको युक्रेनी राष्ट्रपति भोलोदिमिर जेलेन्स्कीले बताएका थिए । ‘मलमा आगो लागेको छ, उद्धारकर्ताहरू आगो निभाउने क्रममा छन् । पीडितहरूको संख्या कल्पना गर्न असम्भव छ’, जेलेन्स्कीले फेसबुकमा लेखेका थिए ।