काठमाडौं । गएरातिको भारी वर्षापछि विराटनगरको सिँघिया खोलाको बाढी बस्तीमा पसेको जनाइएको छ ।
सिँघिया खोला विराटनगर हुँदै वडा नम्बर २ पस्ने क्रममा किनारका बस्ती डुबानमा परेको हो । जहाँ २५ घरपरिवार विस्थापित भएको जिल्ला प्रहरी कार्यालय मोरङका डीएसपी दीपक श्रेष्ठले बताए ।
त्यस्तै, विस्थापितलाई सुरक्षित स्थानमा सारिएको छ । खोला किनारका अन्य बस्ती पनि बाढीको जोखिममा परेको छ । साथै, मुख्य सडक क्षेत्रमा पनि पानी जमेको अवस्था छ ।
