काठमाडौं । आज विभिन्न जिल्लामा रोपाइँ गरेर राष्ट्रिय धान दिवस मनाइँदै छ ।

उक्त दिवसको अवसरमा ललितपुरको खुमलटारस्थित राष्ट्रिय बाली विज्ञान अनुसन्धान केन्द्रले पनि रोपाइँ महोत्सव आयोजना गरेको छ । कार्यक्रममा कृषि मन्त्री महिन्द्र राय यादवले मेसिनमार्फत् धान रोपेर धान रोपाइँको शुभारम्भ गरे । रोपाहारले भने हातैले धान रोपेको जनाइएको छ ।

यसैगरी, मन्त्री यादवले १९ औं राष्ट्रिय धान दिवस तथा रोपाइँ महोत्सव मूल समारोहलाई सम्बोधन गर्दै ठेकदारको कारण रासायनिक मल अभाव भएको बताए । उनले मलको ठेक्का प्रणाली नै राम्रो नभएको भन्दै निजी क्षेत्रलाई मल ल्याउन दिने कि नदिने भनेर सोच्ने बेला भएको बताए ।