काठमाडौं । ३१ असारबाट प्रदर्शनमा आउँदै गरेको फिल्म ‘सम्झना बिर्सना’को दोश्रो ट्रेलर सार्वजनिक भएको छ । यसले फिल्मको प्रचार प्रसारमा थप टेवा पुर्याउने भनिएको छ ।

हाल निर्माण युनिट फिल्मको प्रचार प्रसारमा जुटेका छन् । सार्वजनिक भएको उक्त ट्रेलरमा अभिनेता आकाश श्रेष्ठ प्रति पूजा शर्माको वान साइड लभ देख्न सकिन्छ । निमेष प्रधानको लेखन निर्देशक रहेको फिल्मको ट्रेलरमा कमेडी, लभ, रोमान्स, सेन्टिमेन्टस् तथा सस्पेन्सको समीश्रण देखिन्छ । चिया बगानका मजदुरका समस्याले समेत ट्रेलरमा प्राथमिकता पाएको देखिएको छ ।

फिल्म दार्जिलिङ, सिलगुढी, सिक्किम लगायतका रमणीय स्थानमा छायांकन भएको हो । आकाश र पूजाको अलवा फिल्ममा सुनील थापा, छुल्ठिम गुरुङ र शिशिर राणा गायतको भुमिका रहेको छ । अद्वितीय प्रधानको प्रस्तुति, रेविका प्रधानको निर्माण र सुवास भुर्तेल कार्यकारी निर्माता रहेको फिल्म आदित्य फिल्मस्को प्रस्तुतिमा निर्माण भएको हो ।

यसैगरी, शिब ढकालले छायांकन, तारा थापा ‘किम्भे’ को सम्पादन रहेको फिल्ममा अर्जुन पोखरेल, राजन इशान, सुदर्शन तामाङको संगीत छ । कमल राई र रामजी लामिछानेको कोरियोग्राफी रहेको फिल्मको बितरण आरआर फिल्मस्ले गर्दैछ ।