काठमाडौं । अभिनेत्री नीता ढुंगाना र ज्योतिष तथा अभिनेता हरिहर अधिकारी आज शुक्रबार विवाह बन्धनमा बाँधिदै छन् । यस प्रेमजोडीले केही बर्षको प्रेम विवाहमा परिणत गर्न लागेका हुन् ।

नीता र हरिहरको विवाह समारोह दरबारमार्ग स्थित होटल याक एण्ड यतीमा आयोजना गरिएको छ । विवाहमा दुवै तर्फका नजिकका आफन्त र सिमित साथीभाइलाई मात्र निम्त्याइएको छ ।

यस्तै, नीताले केही दिनअघि ब्याच्लर पार्टी दिएकी थिइन् । साथै, मेहन्दी तथा संगीत समारोह बुधबार गरिएको थियो । जहाँ अभिनेत्री रेखा थापा, अनु शाहलगायत कलाकार र केही रंगकर्मी पत्रकारहरु उपस्थित थिए ।