काठमाडौं । नाइरोबी फ्लाइ कीराको सङ्क्रमण बर्खायामसँगै बढ्दो देखिएको छ ।

नेपालको पूर्वी भेग तथा पश्चिमको कञ्चनपुरमा उक्त जातको कीरा देखिएको छ । त्यस्तै, यसको संक्रमण झापा पनि देखिएको समाचाहरु पर्याप्त आइरहेको छ । यस्तोमा, मानिसहरुमा धेरै त्रास पनि फैलिरहेको छ । तर, चिकित्सकहरुले यस्तो यो कीराले जनस्वास्थ्यमा ठूलो रूपमा सङ्क्रमण नल्याउने बताएका छन् । यद्यपि, यसका लागि हामीले यसबाट बच्ने उपाय पनि ख्याल राख्नुपर्छ ।

यो किरा सानो भुसुना जस्तो हुने गर्छ र यसले टोकेर घाउ हुँदैन । बरु, यसलाई शरिरबाट फाल्ने क्रममा थिचिदा वा मिचिदा किरा किचिएर एसिड निस्किइ संक्रमण हुने बताइएको छ । किराभिर पेडेरिन तत्व एसिड हुन्छ । जुन हाम्रोमा पर्दा छालामा सङ्क्रमण हुन्छ । उक्त कीरालाई शरीरबाट फूकेर सजिलै फाल्न सकिन्छ ।

यसको टोकाइको लक्षण देखिएपछि भने आफूलाई सञ्चो नभएमा नजिकैको स्वास्थ्य संस्थामा उपचारका लागि जानु पर्ने जनाइएको छ । यी किरा प्रायः सडेगलेका खानेकुरा, मरेको जनावर र फोहरमैला भएको ठाउँमा देखिने गर्छन् ।

कीराबाट हुने सङ्क्रमण गम्भीर भए पेडेरस डर्माटिटिइज जस्तो रोग लाग्ने चिकित्सकहरु बताउँछन् ।