काठमाडौं । आज बुधबार नेप्सेमा दोर्दी खोला जलविद्युत कम्पनी लिमिटेडको साधारण सेयर अर्थात आईपीओ सूचिकृत भएको छ ।

नेप्सेका अनुसार कम्पनीको १ करोड ५ लाख ४२ हजार ६ सय ४ कित्ता आईपीओ नेप्सेमा कारोबार हुन सक्ने गरी सूचिकृत भएको हो । नेप्सेले कम्पनीको पहिलो कारोबारका लागि प्रति सेयर न्युनतम १ सय २ रूपैयाँ ३९ पैसादेखि अधिकतम ३ सय ७ रुपैयाँ १७ पैसासम्म ओपनिङ रेञ्ज निर्धारण गरेको छ ।

यसैगरी, कम्पनीले दोश्रो बजारमा कारोबारका लागि DORDI​​ सिम्बोल प्राप्त गरेको छ ।

उक्त कम्पनीले जेठ २६ गतेदेखि जेठ ३१ गतेसम्म प्रतिकित्ता १०० रुपैयाँ अंकित दरका २१ करोड ९५ लाख रुपैयाँ बराबरको २१ लाख ९६ हजार कित्ता आईपीओ निष्कासन गरेको थियो । जसमध्ये जारी पूँजीको ३ प्रतिशत अर्थात ६५ हजार ८६५ कित्ता सेयर कर्मचारीहरुका लागि, ५ प्रतिशत अर्थात १ लाख ९ हजार ७ सय ७५ कित्ता सेयर सामूहिक लगानी कोषका लागि र बाँकी २० लाख १९ हजार ८६९ कित्ता साधारण सेयर सर्वसाधारणका लागि छुट्याइएको थियो ।