मानिसलाई अनिद्राका कारण धेरै नकारात्मक मानसीक र शारिरिक असर पर्न सक्छ । अनिद्राका विभिन्न कारण र प्रकार हुन्छन् । निद्रा नपरेकै कारण हामी घन्टौंसम्म ओछ्यानमा यता र उता पल्टिन्छौँ । तर केही शिप लाग्दैन ।
यदि तपाईंलाई पनि यस्तो समस्याले सताएको छ भने, चिन्ता नगर्नोस् !
एक्युप्रेसर यसको उत्कृष्ट समाधान हो । जसले अनिद्रा लगायत शरीरका धेरै समस्या समाधान गर्न सक्छ । शरीरका विशेष भागमा दबाब दिँएपछि हामी आरामसँग सुत्न सक्नेछौँ ।
टिप्सः
आरामले सुत्नका लागि शरीरको तीन विन्दुमा दबाब दिन जरूरी छ ।
-गोडाको बुढी औंला र दोस्रो औंलाबीचको माथिल्लो भाग । सुत्नुअघि यहाँ चारदेखि पाँच सेकेन्डसम्म थिच्नुपर्छ ।
-नाडीबाट तीन औंलाको दूरी माथि रहेको भाग । यहाँ पाँच मिनेटसम्म दबाब दिनुभयो भने सुत्न सजिलो हुन्छ ।
-पाइतालाको मध्यभाग । यहाँ पहिला ३० सेकेन्ड दबाब दिनुपर्छ । त्यसपछि पाँच सेकेन्ड छोडर पुनः ३० सेकेन्ड दबाब दिनुपर्छ ।
