काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ आज दिउँसो एक बजे भारत भ्रमणका लागि नयाँ दिल्ली प्रस्थान गरे ।
भारतीय जनता पार्टी (भाजपा)का अध्यक्ष जेपी अड्डाको निमन्त्रणामा उनी दिल्ली जाने भएका हुन् । भ्रमणमा अध्यक्ष प्रचण्डसहित तीनजना जाने सचिवालयले जनाएको छ ।
अध्यक्ष प्रचण्डका प्रमुख स्वकीय सचिव रमेश मल्ल र स्वकीय सचिव एवम् छोरी गंगा दाहाल पनि सँगै जाँदैछन् । भ्रमणमा गएकाहरु साउन १ गते स्वदेश फर्किनेछन् ।
