काठमाडौं । बोदे बर्साइन नगरपालिकामा सिलिन्डर पड्केपछि भएको आगलागीमा ३ जना घाइते भएका छन् ।
बोदे बर्साइन नगरपालिका १० खडगपुरका खगेन्द्र यादवको घरमा ग्यास सिलिन्डर पड्किएर आगलागी हुँदा आगो निभाउने क्रममा ३ जना घाइते भएका हुन् ।
जिल्ला प्रहरी कार्यालय सप्तरीले उक्त घटनामा आगो निभाउन गएका कारी दास, महेश यादव र धीरेन्द्र यादव जलेर घाइते भएका बताए । प्रहरीले यादवको घरमा एकै पटक तीन वटा ग्यास सिलिन्डर पड्किएको पनि जानकारी दिए ।
