काठमाडौं । झापाको कचनकवल गाउँपालिका-५, बेल्ले गाउँमा एउटै रुखमा तीन जना किशोरी झुण्डिएको अवस्थामा फेला परेका छन् । उक्त घटनास्थल नेपाल–भारत सीमा क्षेत्रमा पर्छ ।
गाउँपालिकाका अध्यक्ष कालेन्द्रप्रसाद सिंह राजवंशीले आइतबार बिहान ७ बजे स्थानीय चिया बगानमा रहेको एक रूखमा झुण्डिएको अवस्थामा १६ वर्षीया करिना गणेश, कल्पना गणेश र १७ वर्षीया अञ्जली गणेशको शव भेटिएको जनाए । चिया बगानमा मजदुरी गर्ने उनीहरु शनिबार ११ बजेदेखि बेपत्ता थिए । जिल्ला प्रहरी कार्यालय झापाकाले दुई जना गाईवस्तु बाँध्ने डोरी र एक जना सलमा झुण्डिएका छन् ।
तीनै जनाको शवलाई पोष्टमार्टमका लागि पठाइने जनाइएको छ । प्रारम्भिक छानबिनले आत्महत्याको आशंका गरे पनि कारण पत्ता लागेको छैन ।
