पुरूष वा महिला, सबैकोलागि डार्क सर्कल उत्तिकै अप्रिय हुने गर्छ । हामीले यसको पर्याप्त ख्याल नगेरेर तथा सहि उपायहरु नअपनाएर यसलाई टार्न खोजिरहेका हुन्छोैँ । यी नाकाम कोसिसहरूको बावजुद हाम्रो आँखामा डार्क सर्कल झनै गाडा भएर बस्छ ।
हामीलाई पर्याप्त निन्द्रा नपुग्दा, शरिरमा हर्मोनको मात्रामा परिवर्तन भइरहँदा र मानसिक तनावको अवस्थाबाट गुज्रिरहँदा आँखाको वरिपरि कालो घेरा बस्ने गर्छ जसलाई हामी डार्क सर्कल भन्छौँ ।
यीबाहेक अन्य कारणले गर्दा पनि आँखामा डार्क सर्कल देखिने गर्छ ।
अधिकतम सङ्ख्यामा मानिसहरु डार्क सर्कल हटाउन वा छोप्न विभिन्न रसायनजन्य प्रोडक्ट र आइ–रिपेयर क्रिमहरूको प्रयोग गर्ने गर्छन् ।
यी सामग्रीहरु छालाको प्रकार हेरेर उपयोगी वा अनुपयोगी हुने गर्छन् । कसैलाई सकारात्मक रुपमा प्रभाभकारी हुन्छ भने कसैको छालामा यसले एलेर्जी हुन सक्छ या प्रभाकारीता पूरै सुन्य हुन सक्छ ।
त्यसैले, तपाईंलाई डार्क सर्कलको झन्झटबाट मुक्त पार्ने र सबै किसिमको छालालाई उपयुक्त एवम् उत्तीकै प्रभावकारी हुने यी १० सरल घरेलु उपायहरू यस प्रकार छन् ।
काँक्रा
हामीले कतिपय विज्ञहरूले आफ्नो ‘स्किन केयर रुटिन’अन्तर्गत आफ्नो आँखा काँक्राको पातलो टुक्राले छोपेको दृश्य देखिरहका हुन्छौँ । तर, हामीले यसको असाय बुझ्न सकेका रहेनछौँ । आँखा वरिपरिको डार्क सर्कल र आँखामुनि आउने फुकेको आइब्याग हटाउन काँक्रा सबैभन्दा उत्कृष्ट उपाय मानिन्छ ।
काँक्रालाई पातलो गोलो आकारमा काटेर ३० मिनेट फ्रिजमा राख्नुपर्छ। र, निकालेर १० मिनेट आँखामा राखेपछि मन तातो पानीले मुहार धुनुपर्छ । हामीले यसको छरितो प्रभाव पाउन दिनमा नियमीत २ पटक सो उपाय अपनाउनुपर्नेछ ।
टमाटर
टमटरमा लाइकोपिन नामक तत्व पाइन्छ जुन हाम्रो छालाको लागि अति उपयोगी हुने गर्छ । यसले आँखाको डार्क सर्कल हटाउन मद्दत पनि गर्छ । प्रभावकारी नतीजा पाउनको लागी हामीले सुरूमा टमाटरको रस र कागतीको रस बनाउनुपर्छ । र, दुवै रसको बराबर मात्रा मिसाएर रुवाको प्रयोग गरि उक्त मिसावट डार्क सर्कल भएको भागमा लगाउनुपर्छ । यसको सट्टा हामीले टमाटरको रस, कागतीको रस र पुदिनाको पत्ता मिसाएर झोल बनाउन सक्छौँ। र, यसको नियमित सेवन पनि गर्न सक्छौँ ।
चिसो टि–ब्याग
डार्क सर्कल हटाउने अर्को सबैभन्दा सजिलो उपाय चाहिँ चिसो टि–ब्यागको९बजारमा पाइने चियाको सानो पोको० प्रयोग मानिन्छ । धेरैजसो टि–ब्यागमा उपयोगी एन्टीअक्सीडेन्ट पाइने गर्छ । यसले आँखाको भागलाई राहत दिन्छ। प्रयोगभन्दा पहिला हामीले यसलाई पानीमा राम्ररी भिजाउनुपर्छ र एकछिन शितल ठाउँमा छाडिदिनुपर्छ ।
त्यसपछि हामीले यसलाइ आफ्नो आँखामाथि राख्न सक्छौँ । प्रभावकारीताको लागि यसको दैनिक अभ्यास हुर्नुपर्छ ।
गुलाबजल
छाला हेरचाहको विषयमा गुलाबजललाई थुप्रै समस्याको उपाय मानिन्छ । यसले छालालाई सुन्दर र ताजामात्र बनाउँदैन, आँखाका डार्क सर्कल पनि पूरै गायब गराउँछ । उत्कृष्ट नतिजाकोलागि कटनप्याडलाई गुलाबजलले भिजाएर १५ मिनेट आँखामाथि राख्नुपर्छ । अनि, चिसो पानीले गुलाबजल परेको सो भाग पखाल्नुपर्छ । यसको अभ्यास हामीले दैनिक रूपमा गर्नुपर्छ ।
हाडे बदामको तेल
हाडे बदामको तेल (आल्मोन्ड आयल)मा भिटामिन इ पर्याप्त मात्रामा पाइन्छ । जसले गर्दा हाम्रो छालाले पुन पहिले जस्तै प्राकृतिक चमक पाउने गर्छ । यो उपाय उपायहरूमध्ये कै सबैभन्दा सजिलो रहेको छ । हामीले केही थोपा तेल डार्कसर्कल भएको ठाउँमा लगाएपछि बिस्तारै हल्का मसाज गर्नुपर्छ । र, पूरै रात यथावत राखेर भोलिपल्ट विहानै पखाल्नुपर्छ । यो उपाय प्रभावकारीता नदेखिएसम्म दैनिक गर्न सकिन्छ ।
आलु
आलुमा भिटामिन सी को मात्रा धेरै हुन्छ । भिटामिन‘सी’ले छालामा चमक ल्याउँछ र डार्क सर्कल हटाउन मद्दत गर्छ ।
आलुलाई सानो टुक्रामा ताछेपछि त्यसको रस निकाल्न सकिन्छ । निकालिएको रसमा कटनप्याड भिजाएर १० मिनेटको लागि आँखामा राख्नुपर्छ । र, मन तातो पानीले पखाल्नुपर्छ ।
सुन्तला
सुन्तलाको रस गील्सिरिनसँग मिसाएपछि उक्त मिश्रण आँखा–हेरचाहको उपयोगी सामग्री बन्छ । यसमा भिटामिन‘ए’ र ‘सि’ पाइने भएपछि यसले डार्क सर्कल हटाउने मात्र नभई प्राकृतिक चमन मुहारमा पुन ल्याउने काम पनि गर्छ ।
पुदिना
काँक्राको जस्तै, पुदिनामा पनि छालामा स्फूर्ती ल्याउने गुण हुन्छ । यसले आँखालाई राहत दिन्छ र डार्क सर्कल हटाउँछ ।
पुदिनाको पत्तालाई पानीसँग पिसेर पेस्ट बनाउन सकिन्छ। बनेको पुदीनाको पेस्ट हामीले डार्क सर्कल भएको भागमो लगाउनुपर्छ । ठीक १० मिनेटपछि चिसो पानीले लगाइएको पेस्ट पखाल्नुपर्छ । उत्कृष्ट नतिजाको लागि यो उपाय एक हप्तासम्म गरिरहनुपर्छ ।
पर्याप्त समयसम्म सुत्ने
निद्रा नपुगेको कारण पनि डार्क सर्कल बसेको र आइ–ब्याग फुकेको हुन सक्छ । त्यसैले, यी समस्यालाई समाधान गर्ने सबैभन्दा सजिलो र प्राकृतिक तरिका भनेकै ८ घन्टा पर्याप्त सुताइ हो । रातमा चैनको निद्रा र सुताइले शरीरलाई आराम दिन्छ । साथै, छालालाई पनि सुन्दर बनाउँछ ।
योगा वा ध्यान
मानसिक तनावले मानसिक असर मात्र गर्दैन, शारीरिक असर पनि गर्छ । जसले हाम्रो छालालाई पनि गम्भीर असर गर्छ । डार्क सर्कल हाम्रो शरिरको गम्भिर संकेत हो। यसले हामीले हाम्रो स्वास्थ्यको ख्याल राख्नपर्ने संकेत दिन्छ । त्यसैले, यस्तो अवस्थामा योगा र ध्यान हाम्रो सकारात्मक सोचको स्रोत बन्न सक्छ।
योगा र ध्यानले हामीलाई मानसिक सन्तुलन प्रदान गर्छ, हाम्रो आत्मालाई निश्चल बनाउँछ, र शरिरका विभिन्न प्रणालीलाई पनि स्वास्थ्य राख्छ । यसले गर्दा हाम्रो छालालाई पनि सकारात्मक प्रभाव पर्छ जसकारण डार्क सर्कल सजिलै हट्ने गर्छ ।
-सुस्मिता लावती
