एजेन्सी । बुधबार इराकको बग्दादको अति संरक्षित ग्रीन जोनमा रहेका अवरोध तोडेर सयौं प्रदर्शनकारी इराकको संसद छिरेका छन् ।

शक्तिशाली इराकी धर्म गुरु मोक्तादा अल-सद्रका सयौं समर्थक प्रधानमन्त्रीका लागि विपक्षी समूहको उम्मेदवारीको विरोधमा संसद भवन पुगेका हुन् । इराकीहरूले ९ महिनाभन्दा अघि आफ्नो पछिल्लो आम चुनावमा मतदान गरेपछि नयाँ सरकार निर्माण गर्ने प्रयासमा निरन्तर गतिरोध आएको छ ।

त्यस्तै, हालसम्म देशको नयाँ प्रधानमन्त्री र राष्ट्रपति को हुने भन्ने विषयमा देशका राजनीतिक गुटबीच कुनै सहमति भएको छैन । प्रधानमन्त्रीका नामाङ्कनले आक्रोशित भएका प्रदर्शनकारीहरुले संसद् भवन पसेर नाराबाजी गरेका थिए ।