काठमाडौं । विद्यार्थीहरूमा भाइरल ज्वरो बढ्न थालेको भन्दै राप्ती गाउँपालिकाले ७ दिन विद्यालय बन्द गरेको छ ।
मंगलबार बसेको कार्यपालिकाको बैठकले गाउँपालिकाभित्रका विद्यालयहरुमा भाइरल ज्वरोको संक्रमण बढेको भन्दै साउन १८ देखि २४ गतेसम्म विद्यालयहरू बन्द गर्ने निर्णय गरेको हो । शिक्षा, युवा तथा खेलकुद शाखा प्रमुख विश्वास बिकले विद्यालयमा भाइरल ज्वरोको संक्रमण बढ्ने जोखिम भएपछि हिउँदे र वर्षे बिदाबाट कट्टी हुने गरी सबै विद्यालयहरु बन्द गर्ने निर्णय गरेको बताए ।
गाउँपालिकाले सूचना जारी गरी विद्यालय बन्दको निर्णय कार्यान्वयन गर्न सबै विद्यालयलाई आग्रह गरेको छ ।
