काठमाडौं । नेपालकै विशाल इन्टरनेट सेवाप्रदायक कम्पनी वर्ल्डलिङ्क कम्युनकेशन लिमिटेडले ‘प्रदेशको इमर्जिङ सेक्टर’का लागि इनोभेसन अवार्ड हासिल गरेको छ । मधेस प्रदेशका मुख्यमन्त्री लालबाबु राउतले वर्ल्डलिङ्कका निर्देशक लक्ष्मण यादवलाई उक्त अवार्ड हस्तान्तरण गरेका थिए ।

उक्त कार्यक्रममा नेपालका लागि बेलायती राजदूत निकोला पोलिट र प्रदेशका अन्य मन्त्रीहरूको सहभागीता रहेका थियो । मधेस प्रदेशले प्रदेशको अर्थतन्त्र रूपान्तरणका लागि सूचना तथा सञ्चार प्रविधि (आईसीटी) महत्त्वपूर्ण योगदान रहेको भन्दै कम्पनीलाई अवार्डबाट प्रदान गरेको हो । कम्पनीले मधेस प्रदेशमा समेत सञ्चालनमा रहेको, सफल व्यावसायिक मोडेल तयार पारेको, रोजगारी सिर्जना गरेगरी जनताका लागि उपयोगी उत्पादन तथा सेवा ल्याएकोमा अवार्ड दिइएको जनाएको छ ।