दोहा । वैदेशिक रोजगारीका सिलसिलामा साउदी अरब पुगेका एक नेपाली युवक बेपत्ता भएका छन् । २८ नोभेम्बर २००६ मा साउदी पुगेका साबिक लखनपुर गाबिस वडा नं- १ झापाका तेजप्रसाद अर्याल बेपत्ता भएका हुन् ।
साउदी अरबमा रहेको नासिर अल ह्यडेर भन्ने कम्पनीमा आएका अर्याल ९राहदानी नं। ३१६६४४९० हालसम्म नेपाल नफर्केको र परिवारसँग पनि सम्पर्कमा नआएको भन्ने जानकारी भएको रियादस्थित नेपाली दूतावासले जनाएको छ । दूतावासले उनी कार्यरत कम्पनीमा सम्पर्क गरी बुझ्दा करार अवधि समाप्त भएपछि नियमानुसार बहिर्गमन भिसा र हवाई टिकटको व्यवस्था गरी नेपाल पठाएको जवाफ दिएको दूतावासले जनाएको छ ।
उनको घर परिवारले जानकारी गराए अनुसार निज तेजप्रसादलाई सँगै कम्पनीमा काम गर्ने पोखराका सोम नेपाली चालकले एयरपोर्टसम्म पुर्याएको भन्ने बुझिएको दूतावासले जारी गरेको विज्ञप्तिमा उल्लेख गरिएको छ । उनको बारेमा थप खोजीनिती गर्न साउदी परराष्ट्र मन्त्रालयमार्फत सम्बन्धित निकायमा पत्राचार समेत गरिएको थियो । साउदी निकायबाट प्राप्त जानकारी अनुसार उनले बहिर्गमन भिसा लगाएको भए पनि साउदी अरब छोडेको नदेखिएको भन्ने जवाफ आएको दूतावासले जनाएको छ ।
उनलाई देख्ने, भेट्ने जोकोहीलाई तुरुन्त नेपाली दूतावासको टेलिफोन नम्बर ०११२८८३७९५ मा सम्पर्क गरी जानकारी गराउन साउदीमा कार्यरत नेपाली समुदायलाई दूतावासले अनुरोध गरेको छ । साथै अर्याललाई समेत तुरुन्त आफ्नो परिबार, आफन्त वा दूतावासको सम्पर्कमा आउन अनुरोध गरेको छ ।
