बीरगंज उपमहानगरपालिका–१५ मूरली चोकमा मधेशी मोर्चाका कार्यकर्ताले बुधबार प्रहरीमाथि ढुंगामुढा प्रहार गर्दा नजिकै रोकी राखेको अञ्चल सशस्त्र प्रहरी गुल्म नारायणीको ना.१ ग ४७९ नम्बरको वानटन गाडीको अगाडिको शिसा फुटेर क्षति भएको छ । प्रहरीले प्रदर्शनकारीलाई सम्झाई तितरबितर पारेको छ ।
यसैगरी पर्सा बीरगंज उपमहानगरपालिका–१० माईस्थान चोकमा मधेशी मोर्चाका कार्यकर्ताले बुधबार प्रहरीमाथि पेट्रोल बम प्रहार गर्दा सोही ठाउँ बस्ने दिपक शाहको घरको झ्यालमा परी आगलागी भएको छ । प्रहरीले तत्काल आगो नियन्त्रणमा लिएको छ । सो कार्यमा संलग्न बीरगंज उपमहानगरपालिका–१९ बस्ने १५ वर्षीय अमितकुमार जैसवाललाई प्रहरीले नियन्त्रणमा लिएको नेपाल प्रहरीले जानकारी केन्द्र लाइ बताएको छ ।