काठमाडौं । चालू आर्थिक वर्षको पहिलो महिना साउनमा वार्षिक बिन्दुगत उपभोक्ता मुद्रास्फिीति ८.३६ प्रतिशत रहेको छ ।

नेपाल राष्ट्र बैंकले सार्वजनिक गरेको देशको वर्तमान आर्थिक तथा वित्तीय स्थिति प्रतिवेदनअनुसार गत आ।व।को साउन महिनामा ४।३५ प्रतिशत मुद्रास्फीति रहेकोमा यसपटक करिब ९ प्रतिशत पुगेको हो ।

नेपालीहरूका ठूला चाडवाड आइरहेको अवस्थामा उपभोक्तामाथि अझ मूल्यवृद्धिको चाप पर्ने अनुमान छ । साउनमा खाद्य तथा पेय पदार्थ समूहको मुद्रास्फिीति ७।११ प्रतिशत र गैरखाद्य तथा सेवा समूहको मुद्रास्फिीति ९।२८ प्रतिशत रहेको छ ।

२०७८ साउनको तुलनामा २०७९ साउनमा खाद्य तथा पेय पदार्थ समूह अन्तर्गत घ्यू तथा तेल, फलफुल, रेष्टुरेण्ट तथा होटल, मदिराजन्य पेय पदार्थ र दुग्ध पदार्थ अण्डा उपसमूहको क्रमशः १९।५८ प्रतिशत, १८।७९ प्रतिशत, ११।८४ प्रतिशत, १०।२४ प्रतिशत र १०।१९ प्रतिशत रहेको छ ।

साथै, गैरखाद्य तथा सेवा समूह अन्तर्गत यातायात, स्वास्थ्य, फनिसिङ तथा घरायसी उपकरणहरु, शिक्षा र घरायसी उपयोगका वस्तुहरु उपसमूहको मुद्रास्फीति क्रमशः २३।८८ प्रतिशत, १०।५४ प्रतिशत, ९।०४ प्रतिशत, ८।११ प्रतिशत र ७।८६ प्रतिशत रहेको छ।
कारोबार दैनिकबाट