बारा : लिपनीमाल–४ नेपाल कोल्ड स्टोर स्थित बिरगंज पथलैया सडक खण्डमा लुकीछिपी बसेका बन्दकर्ताले सोमबार अन टेष्ट मोटरसाइकलमा आगजनी गर्दा पूर्ण रुपमा जलेर क्षति भएको छ । आगो निभाउने क्रममा मोटरसाइकल चालक बिरगंज उपमहानगरपालिका–१४ बस्ने ४० बर्षीय धु्रव साहको खुट्टा पोल्दा घाइते भएकोले उपचारको लागि नारायणी उपक्षत्रीय अस्पताल बिरगंजमा लगिएको छ ।
कपिलवस्तु : कपिलवस्तु नगरपालिका–३ बैंक लाईनबाट जिल्ला जनस्वास्थ्य कार्यालय आउदै गरेको बा.१ ब ८६६७ नम्वरको मोटरसाइकल सोमबार अपरिचित व्यक्तिहरुले तोडफोड गर्दा ट्याङकी र अगाडीको भाग क्षति भएको छ ।
सप्तरी : पोर्ताहा–१ स्थित राजमार्गमा बा.६२ प ४१६२ नम्वरको मोटरसाइकलमा सोमबार बन्दकर्ताले आगजनी गर्दा पूर्णरुपमा जलेर क्षति भएको छ ।
आगजनी तथा तोडफोडमा संलग्न फरार व्यक्तिहरुको प्रहरीले खोजतलास गर्नुको साथै यस सम्बन्धमा आवश्यक अनुसन्धान गरिरहेको नेपाल प्रहरीले जानकारी केन्द्रलाइ बताएको छ ।