काठमाडौं । आज (मंगलबार) सेयर बजारमा फेरि गिरावट देखिएको छ । नेप्से परिसूचक सामान्य अंकले घटेको छ । नेपाल स्टक एक्सचेञ्जका अनुसार आज (मंगलबार) सेयर कारोबार मापक नेप्से परिसूचक ६.५९ अंकले घटेर १८९७.८६ विन्दुमा झरेको छ । नेप्से ०.३५ प्रतिशतले घटेको हो । यता सेन्सेटिभ परिसूचक पनि १.३३ अंकले घटेर ३७३.७१ विन्दुमा झरेको छ ।

कूल २२९ वटा कम्पनीको २७ लाख ४५ हजार एक सय ९ कित्ता सेयर खरिदबिक्री हुँदा एक अर्ब २ करोड ३६ लाख ९ हजार ९ सय ६० रूपैयाँ बराबरको कारोबार भएको नेप्सेले जनाएको छ । स्टकका अनुसार कारोबार भएका कूल १३ उपसमूहमध्ये आज ३ वटा उपसमूहको सेयर बढेको छ । बाँकी १० वटा उपसमूहको सेयर भने घटेको छ ।

त्यसैगरी, मंगलबार कारोबार रकममा हिमालयन डिष्टीलरीले अग्रता कायम गरेको छ । कम्पनीको ८ करोड २२ लाख ३४ हजार रूपैयाँ बराबरको कारोबार भएको छ । आज सिटिजन्स म्युचुअल फण्ड १ को मूल्य सबैभन्दा धेरै बढेको छ । उक्त फण्डको मूल्य ४.५८ प्रतिशतले बढेर ८ रूपैयाँ पुगेको छ ।

यस दिन तारागाउँ रिजेन्सीको सेयरमूल्य सबैभन्दा धेरै घटेको छ । कम्पनीको सेयरमूल्य ८.५६ प्रतिशतले घटेर ३ सय ५० रूपैयाँ २० पैसामा झरेको छ ।