पोखरा । रक्सी पिएर श्रीमतीले कुट्दा तनहुँमा श्रीमानको मृत्यु भएको छ । घरायसी विषयमा विवाद चर्किएपछि श्रीमतीले टाउकोमा ढुंगाले हानेकी हुन् ।
पोखरा ३० शिसुवा घर भई तनहुँको शुक्लागण्डकी ४ बस्दै आएका ४० वर्षीय मनबहादुर नेपालीको मृत्यु भएको तनहुँ प्रहरीले जनाएको छ । उनकी श्रीमती सुशीला विकलाई प्रहरीले नियन्त्रणमा लिएको छ ।
ढुंगाले लागेर गम्भीर घाइते भएका मनबहादुरको तनहुँकै जीपी कोइराला श्वास प्रश्वास केन्द्रमा उपचारकै क्रममा मृत्यु भएको हो ।
