एजेन्सी । लियोनल मेस्सी र केलियन एमबाप्पेले हालको विश्वकप फुटबलमा समान ५–५ गोल गरेका छन् । दुवै अहिले गोल्डेन बुटका प्रबल दावेदार हुन् ।
अब सबैभन्दा ठूलो प्रश्न के हो भने, फाइनलपछि पनि लियोनल मेस्सी र केलियन एमबाप्पेको गोल बराबरी भयो भने रु फिफा विश्वकपको सबैभन्दा प्रतिष्ठित अवार्ड मध्येको एक गोल्डेन बुट कसलाई दिइन्छ रु
यदि लियोनेल मेस्सी, केलियन एमबाप्पे वा अन्य कुनै खेलाडीले समान गोल गरेका छन् भने जुन खेलाडीले सबैभन्दा कम पेनाल्टी गोल गरेका हुन्छन् ती खेलाडीलाई गोल्डेन बुट दिइनेछ । यस्तो अवस्थामा लियोनल मेस्सीले यो विश्वकपमा ३ पटक पेनाल्टी मार्फत ३ गोल गरेका छन् ।
मेस्सीले नेदरल्याण्ड्स, क्रोएसिया र साउदी अरेबियाविरुद्ध पेनाल्टीमा गोल गरेका छन् । जबकि किलियन एम्बाप्पेले सबै पाँच गोल आउटफिल्डबाट गरेका छन् । अब यदि फाइनलमा लियोनल मेस्सीले गोल गर्छन् तर केलियन एमबाप्पेले कुनै गोल गर्न सकेनन् भने मेस्सीले स्वतः गोल्डेन बुट जित्नेछन् ।
यदि लियोनेल मेस्सी र केलियन एमबाप्पेबीच पेनाल्टी र आउटफिल्ड गोल दुवै बराबरी भएमा गोल्डेन बुट कसले पाउने रु यस्तो अवस्थामा सबैभन्दा बढी असिस्ट गर्ने खेलाडीलाई गोल्डेन बुट दिइनेछ ।
यो अवार्ड सन् १९८२ मा सुरु भएको थियो । त्यसबेला यसलाई गोल्डन शू भनेर चिनिन्थ्यो । २०१० फिफा विश्वकपबाट यसको नाम गोल्डन शूबाट गोल्डेन बुटमा परिवर्तन गरिएको थियो ।
