एजेन्सी । मायामा मान्छेले के गर्दैन । ठूला ठूला लडाइहरू प्रेमका लागि मात्रै लडेका छन्, त्यसैले कयौं पटक प्रेमीकाहरूलाई भगाउन प्रेमीहरू आएका छन् । तपाईंले प्रेम जोशका यस्ता धेरै कथाहरू पढ्नुभएको र सुन्नु भएको होला, तर नयाँ जमानाको प्रेमको कथा सुनेर तपाईं छक्क पर्नुहुनेछ ।
गुजरातमा एक युवती आफ्नो प्रेमीको परिक्षा दिन परिक्षा हल गर्न गइन् । यस पछाडिको सम्पूर्ण कथा निकै रोचक छ । गुजरातको सूरतस्थित वीर नर्मद साउथ गुजरात युनिभर्सिटीमा अध्ययनरत केटा आफैं पहाडमा बिदा मनाउँदै थिए र उनको सट्टा विद्यार्थी नभएकी उनकी प्रेमिका पेपर दिन परीक्षा हल पुगिन् ।
तपाईले यस्ता घटना सुन्नु भएको होला, जहाँ राम्रो अंक ल्याउनको लागि कोर्स पास गरेका मान्छे डमी उम्मेदवार बनेर बस्छन्, तर यो काण्ड गर्ने युवती सरकारी जागिर गरिरहेकी छिन् । यति हुँदा हुँदै पनि आफ्नो मायाको खातिर उनले यो जोखिम उठाइन्, जुन पूर्णतया गलत हो ।
प्रेमी पहाडमा, प्रेमिका परीक्षा हलमा
परीक्षा ड्युटीको समयमा, हलमा निरीक्षकहरू प्रायः दिनहुँ परिवर्तन हुने, त्यसैले कुनै पनि उम्मेद्वारलाई चिन्न सजिलो छैन । यस अवधिमा, तिनीहरूले रोल नम्बर मात्र जाँच गर्छन् । यस वर्षको अक्टोबरमा बि।कम तेस्रो वर्षको परीक्षा चलिरहेको बेला युवती आफ्नो प्रेमीको प्रवेशपत्रमा नाम र तस्विर परिवर्तन गरेर परीक्षा दिन पुगेकी थिइन् ।
तर, सँगै परीक्षा दिने एक विद्यार्थीले केटी बसेको ठाउँमा गत दिन एक जना केटाले परीक्षा दिइरहेको निरिक्षकलाई बताए । त्यसपछि मात्रै यो पूरै घटना बाहिर आयो र युवती पक्राउ परिन् । छानबिन सकिएपछि समितिले विश्वविद्यालय व्यवस्थापनलाई कारवाहीका लागि सिफारिस गरेको छ ।
केटीको जागिर पनि जान सक्छ
टाइम्स अफ इन्डियाको रिपोर्टका अनुसार केटीको डिग्री पनि रद्द हुन सक्छ र उनको जागिर पनि जान सक्छ । त्यस्तै केटालाई अर्को ३ वर्षसम्म परीक्षा दिनबाट रोक्न सकिनेछ ।
केटालाई समितिसमक्ष हाजिर गर्दा उनले आफू बिदा मनाउन उत्तराखण्ड गएको बताएका थिए भने केटीका परिवारले आफूलाई यस बारे केही जानकारी नभएको बताए । केटा नियमित परीक्षामा फेल भएपछि उनको ठाउँमा उनकी प्रेमिकाले परीक्षा दिने कदम चालेकी थिइन् ।
