काठमाडौं । काठमाडौंमा एकाबिहानै गुडिरहेको टेम्पोमा अचानक आगो लाग्दा टेम्पोमा क्षति पुगेको छ । काठमाडौंको पुरानो बानेश्वर-मैतीदेवी-कमलपोखरी रूटमा चल्ने टेम्पोमा आज बिहान करिब ७ बजेतिर एक्कासी आगो लागेपछि टेम्पोमा क्षति भएको हो ।
आगो लाग्ने टेम्पो मुलपानीका ६२ वर्षीय राजेन्द्र बस्नेतको हो । सो आगो स्थानीय र नेपाल प्रहरीको सहयोगमा निभाइएको छ । आगो लाग्नुको एकिक तथ्य नखुले पनि टेम्पोभित्रको तार सर्ट भएर लागेको हुन सक्ने अनुमान गरिएको छ ।
