काठमाडौँ । साताको अन्तिम कारोबार दिन आज बिहीबार नेप्से परिसूचक दोहोरो अंकले बढ्दा कारोबार रकम पनि ५ महिनापछि ५ अर्ब नाघेको छ । नेपाल स्टक एक्सचेञ्जका अनुसार बिहीबार नेप्से परिसूचक १७.९२ अंकले बढेर २१४३।७६ विन्दुमा पुगेको छ । नेप्से ०।८४ प्रतिशतले बढेको हो । यस्तै, सेन्सेटिभ परिसूचक पनि २.६१ अंकले बढेर ४११.३३ विन्दुमा पुगेको छ ।

कूल २५९ वटा कम्पनीको एक करोड २५ लाख ८१ हजार ९ सय ८२ कित्ता सेयर खरिदबिक्री हुँदा ५ अर्ब ४ करोड ७ लाख ४० हजार रूपैयाँ बराबरको कारोबार भएको नेप्सेले जनाएको छ । स्टकका अनुसार कारोबार भएका कूल १३ उपसमूहमध्ये आज २ वटा उपसमूहबाहेक बाँकी सबै उपसमूहको सेयर बढेको छ । बैंकिङ्ग र अन्य समूह घटेको हो ।

बिहीबार हिमालयन डिष्टीलरीको सर्वाधिक कारोबार भएको छ । कम्पनीको ४३ करोड १९ लाख ६६ हजार रूपैयाँ बराबरको कारोबार भएको हो ।

आज ९ कम्पनीको सेयरमूल्यमा सकारात्मक सर्किट लागेको छ । चन्द्रागिरी हिल्स, बुद्धभूमी नेपाल हाइड्रोपावर, धौलागिरी लघुवित्त, खप्तड लघुवित्त, श्रृजनशील लघुवित्त, बाराही हाइड्रोपाववर, हिमालयन उर्जा, इष्टर्न हाइड्रोपावर र हिमालयन हाइड्रोपावरको सेयरमूल्यमा सकारात्मक सर्किट लागेको हो ।

यस दिन सिटीजन्स म्युचुअल फण्ड २ को मूल्य सबैभन्दा धेरै घटेको छ । उक्त फण्डको मूल्य ३.०३ प्रतिशतले घटेर ८ रूपैयाँमा झरेको छ ।