काठमाडौँ । राष्ट्रिय प्रजातन्त्र पार्टी राप्रपा का अध्यक्ष राजेन्द्र लिङदेनले राष्ट्र निर्मातालाई सम्मान गर्ने कुरामा कसैले पनि हिनताबोध गर्नु नहुने बताएका छन् ।
सरकारले न्युनतम साझा कार्यक्रममा सरकारले गरेका वाचा पूरा गर्नुपर्ने जनाउँदै उनले मंगलबार प्रतिनिधि सभामा यस्तो बताएका हुन् । उनले देशका गौरवाशाली इतिहासको सम्मान गर्नेकुरा पछि फर्किएको नहुनेसमेत बताए। पृथ्वी जयन्ती एक पार्टीको मात्रै नभइ सबै देशको भएको उनको भनाइ छ ।
साथै, उनले राष्ट्रिय प्रजातन्त्र पार्टीले प्रधानमन्त्री पुष्पकमल दाहाल ‘प्रचण्ड’लाई विश्वासको मत दिने बताएका छन् ।
पृथ्वी जयन्तीको अवसरमा राप्रपाले भृकुटी मण्डपमा भोलि बुधबार चियापान कार्यक्रम गर्ने भएको छ।
