काठमाडौँ । आइतबार पोखरामा भएको यती एयरलाइन्सको विमान दुर्घटनामा परी ज्यान गुमाएका उत्तर प्रदेशका ४ जना नागरिकलाई त्यहाँको सरकारले ५ लाख भारू राहत दिने भएको छ।
भारतीय सञ्चार माध्यमका अनुसार उत्तर प्रदेशका मुख्यमन्त्री योगी आदित्यनाथले चारै जनाका परिवारलाई राहतस्वरूप ५ लाख भारू दिने भएका छन् ।
उत्तर प्रदेशको गाजीपुरका अभिषेक कुशवाहा, विशाल शर्मा, अनिलकुमार राजभार र सोनु जैसवालको विमान दुर्घटनामा मृत्यु भएको थियो ।
काठमाडौंबाट पोखराका लागि उडेको विमानमा चालक दलका सदस्यसहित ७२ जना सवार थिए ।
