काठमाडौँ । उपप्रधानमन्त्री तथा गृहमन्त्री रवि लामिछानेले आफूहरू प्रणाली सुधारमा लागिरहेकाले परिणाम आउन केही दिन लाग्ने बताएका छन् । मंगलबार प्रतिनिधिसभाको बैठकमा राज्यका संयन्त्रलाई थिलथिलो पारिएको र राज्यका संयन्त्रहरूलाई नीति नियमभन्दा आदेश पालन गर्ने बनाइएको उल्लेख गर्दै उनले त्यसलाई सुधार्न आफूहरू लागिपरेको बताए ।

कामका माध्यमबाट, परिणामका माध्यमबाट जवाफ दिन आफू तयार रहेको मन्त्री लामिछानेले बताए । उनले प्रणालीगत सुधारका लागि आफूहरू लागिरहेको बताए । गृह मन्त्रालय प्रणाली सुधारका लागि लागिपरेको जानकारी दिए । हिजोको जस्तो तरिकाले राज्यका संयन्त्र चलाउन छाड्न उनले आग्रह गरे । प्रणालीलाई बलियो बनाउन लाग्ने हो भने आधा समस्याको समाधान हुने उनले बताए ।

गृह मन्त्रालय संवेदनशील बनेर आफ्नो काम गरिरहेको उनले बताए । गृह मन्त्रालयको ट्र्याक बिगारिएकाले केही समय लागेकाले परिणाम आउन केही दिन उनले बताए । उनले आम नागरिकलाई केही जानकारी दिनका लागि केही खबरहरू भन्नुपर्ने अवस्था आउने भएकाले मन्त्रालयको कार्यलाई त्यसैगरी लिइदिन आग्रह गरेका छन् ।

उनले आफूले दह्रो गरी खुट्टा टेकेको उल्लेख गर्दै अरुलाई पनि दह्रो खुट्टा टेक्न आग्रह गरे ।